المشاهدات: 113   المدة: 8:52   الدقة: عالية
التصنيف: صوتيات دينية   الكلمات الدلالية: حسين الزيرجاوي، Zahraa Al obaidi
تعليق بواسطة ❀ ♬ Ashk
( الرســـــام المسيـــــحي )
اداء حسين الزيرجاوي
كلمات عبد الله الشويلي
ماسترينغ علي نور
توزيع فاضل الزيادي
مونتاج حسين الميالي
انتاج Light Star
الاشراف الفني مرتضى قاسم
الاشراف العام احمد شيحان
من اصدار احكي لكم

( نص القصيده )

تحققت امنيتي كلها بالـــــــحلم
ابابي گاعد وانحت بشيخ الزلم
تبچي وتنظر ليه الـــناس
واني انحت راس العباس
بالحلم...... بالحلم


الرسام المسيحي اني النحت راس الحسين بهم
اني الي نظرت اعليه وگلبي بساعِته اســـــــلم
شفته اعله الرمح قران نوره مغطي لون الــدم
نطيت العندي للعسال وأخذته للنحت والـــــشم

راس ابو الأكبر سلب عقلي الصعب
وراس ابو فاضل سِلب مني الگــلب

رغم الدم بس يضوي الراس
واني انحت راس العــــباس
بالحلم بالحلم
.
.

أجواء الحلم جانت حزينه والسمه حـــــــــــمره
بحلمي انعاد ذاك اليوم السبوا بي مهجة الزهره
يمي راس ابو فاضل حار وينثر بعـــــــــــطره
ابچي بالحلم والناس تبچي وياي وتنِـــــــــظره

گمت انعى مثل نعييِّ الـــــــــــفاگِده
وعلى جروحه گام عيسى يرش نده

عطر الراس احلى من الياس
واني انحت راس العـــــباس
بالحلم.......... بالحلم
.
.
جِبِت قطعه فخار وماي وبديت انحت تفاصيله
وصلت لجبهته وجانت براسه مچَلِبه حِــــــــيله
طبع الحجر واضح جان وِالسهم الذبح حَـــــيله
زينب زينب وزينب جان الراس ترتيــــــــــله

على طول النحر ملفوف الوريد
شما اركز جرح يطلعلي جــديد

اليجرح گلبي يجر أنفـاس
واني انحت راس العـباس
بالحلم........ بالحلم

.
كِمْلَت جبْهته گوه وبعيونه بديت انحــــــت
ما بيهن أثر عباس الوادم كلشي ماخَـــــلت
باليمنه سهم مكسور بحاجب يسرته تغـطت
الطف ناهب العباس حتى عيونه ما سلـمت

بطبرت الحاجب أساره مخضبه
وشفت ناگه وبيها حرمه متـربه

وشفت اجفوفه وشفت الطاس
واني انحت راس العــــــباس
بالحلم........ بالحلم

.
.

اكثر شيء جرح گلبي يرجف نحر ابو فاضـــــــــل
اظن ضل عالرمح يفتر وبراسه هَوس الحــــــــامل
گمر طافي اعله وجه اسماه مدري شكم جرح شايل
رغم الذبح صاح بصوت ابقى الزينب الكـــــــــافل

من سمعت الصوت فزيت وگمت
وأكْتَبت حلمي وبعدها اني مــتت

حلمي دم بس كله احساس
واني نحت راس الــعباس
بالحلم.......... بالحلم