المشاهدات: 4012   المدة: 8:29   الدقة: عالية
التصنيف: صوتيات دينية   الكلمات الدلالية: فاقد الموسوي، Zahraa Al obaidi
تعليق بواسطة ❀ ♬ Ashk
الحرم ماي اتريد من إيمينك
واعدتها ابماي ووفي ابدينك
وهاي گوم اتريد راس حسينك
هد وأنه اختك واردم ابچفينك

يالگلتلي ابصايتي . گوم شكل صايتك
وراح أذب عصابتي . هاك شدها ابرايتك

فوت واردمهم ردم . هاي إذا بيهم زلم

يبوفاضل دخيلك . يبوفاضل
______________________________

فوت ياشـدتها واكســر زومها
فوت ندمها إعله حظها ويومها
لوح صدر الگوم واتـرك حومها
اليوم يومك واسحگ إعله اخشومها

يين ابوي اغزيها . والمنايه اتريدك
وارعد ابواديها . المرادم عيدك

طگها يمنه ابميسره . وعيـد يوم الگنطره

يبوفاضل دخيلك . يبوفاضل
______________________________

الحومه يم هامك تدنگ هامها
هاي عركه زلم وإحنا ازلامها
كون من تلكد تگطع الجامها
كض زلم كوفتها طگها ابشامها

ولا اتعب ايمينك . موتهم بعيونك
هد يضلع حسينك . بعد متني امتونك

يلا شگ زيج السمه . خل تهلهل فاطمه

يبوفاضل دخيلك . يبوفاضل
______________________________

صال واندهشت زلمها وخيلها
الواگفه ايذب والتطيح ايشيلها
غار وتلاگه ويه عارم سيلها
تبريدت فرسانها ورد حيلها

تگف ماخلاها . زرع بيهم خوفه
ومفرع اتلگاها . الله حي اچفوفه

الله حي الفاطمي . يبس ريج العلگمي

يبوفاضل دخيلك . يبوفاضل
______________________________

صاح شيمة هله وسيفه اعمامه
ورعد وانحل من رعيده احزامه
دون ريشاته وتبخر هامه
انه إبن الكشفــوا گدامه

انه ابن داحيها . طفي هذا ويومي
شاد رايه اثنيها . اليوم يوم اعلومي

صاحب ايمين القدر . حصتي الطف والنهر

يبوفاضل دخيلك . يبوفاضل
______________________________

كلمات الشاعر - أحمد المشرفاوي