الله يرحم روحها - عمار الكناني | Mp3 + الكلمات | بواسطة ❀ ♬ Ashk في 2018/4/6 (منذ 6 سنوات) تنزيل (12.3 MB) رابط قصيرg+ftاغلاق
المزيد من المقاطع بواسطة ❀ ♬ Ashk
كربلاء كربلاء
بالمجالس حايرة ماتت ومازايرة
كربلاء كربلاء
ام البنين ام السماوات لآخر نفس تتنفس آهات
كربلاء كربلاء
بالمسجد وجاني الخبر يازين العباد ..رب العرش راد
تموت ام البنين
رحت وشفتها ابلا نفس بيها الاجل حان .. بس الوجه جان
على درب الحسين
موقضاء وقدر ماتت من بجيها
جان ثوب حسين ابويه بين اديها
ساعه ملك الموت ضل يبجي لبجيها
روحها ريحة بواجي ونوح بيها
اكو بحه ابصوتها .. اتصيح ساعة موتها
كربلاء .. كربلاء
ما اريد الجنة .. روحي خل تتنعنة
كربلاء .. كربلاء
لوليلة وحدة ابحضرته اتبات
لآخر نفس تتنفس آهات
كربلاء .. كربلاء
*****
اتريد اعله تل الزينبي وبالواقع اتشوف .. تصعد اله ازحوف
مثل بت فاطمه
والشوف مو مثل الحجي تنزل ركض كون .. وبالسوط المتون
تضل تنزف دمه
مثل زينب رايده تبقه وحيده
النزلت وصاحت اخوي حسين اريده
شبكته وترست وجها ابدم وريده
وبالترب ضلت تدور خنصر إيده
وين طاحت زينب
وين اخوها اتسلب
كربلاء كربلاء
وين جبدة اتكطع
ارد اشوف المصرع
كربلاء كربلاء
ابصدرة السهم من ياكتر فات
لآخر نفس تتنفس آهات
كربلاء .. كربلاء
****
رادت تزور العلكمي تندب يعباس .. يعصابة الراس
عسه بعيني السهم
بيضت وجهي واشكرك .. بالغيرة معروف .. كالولي الجفوف
هوت فوك العلم
ياوفي الماكصر بيوم النخيته
روحه حطهه بجربته لعيون اخيته
جيت ابوسن راسك مهشم لكيته
يبني وبعينك سهم ماحركيته
النوح شيب راسها .. والخذت عباسها
كربلاء كربلاء
تنشد وملهوفه .. وين الكه اجفوفه
كربلاء كربلاء
الذيج الجفوف الجنهن آيات
لآخر نفس تتنفس آهات
كربلاء كربلاء
*****
تاليهه ماتت والنعش من اربع اركان .. ابوحشة ولد جان
ولا غالي اليمر
من نزلتهه بالحد لن شافت اثنين .. عباس وحسين
اجوها للكبر
عافت العباس ابنهه وشبكت حسين
اتكله بس منحر اجيت الراس جا وين
كلهه يمه هذا اخوي ابلايه جفين
اتكله فدوه لومثل عباس الفين
انته ريعة جبدي
واخذتك من عندي
كربلاء كربلاء
وحشه ضلت دارك
وضيعت اخبارك
كربلاء كربلاء
امك ولاتنساك هيهات
لآخر نفس تتنفس آهات
كربلاء كربلاء
****
الشاعر : كرار حسين الكربلائي
***
المدونة : زهراء العبيدي