المشاهدات: 727   المدة: 14:27   الدقة: عالية
التصنيف: صوتيات دينية   الكلمات الدلالية: مرتضى حرب، Hussein Hameed
تعليق بواسطة Hussein Hameed
كلمات الشاعر الحسيني : حيدر جمعة العيساوي .

الميت اكرامه الدفن يلي مشيت
وانة ميتة بداري بخلافك صفيت
لا تودعوني .. بوية دفنوني

يلي ماتكسر كلب .. خاطري وكلبي كسرته
يلي بس تعرف تحب .. كسري شو ظل ماجبرته
من مشيت اعلة درب .. عمري ما شفته وعبرته
عمري طشيته اعلة دربك ذكريات
وكلمة معاتب عليلة وية الخوات
لا تخلوني .. بوية دفنوني

عمري طشيته نذر .. بدربك وردتك تشوفه
اخذ وياك العمر .. ليش يم ميت تعوفه
ميته والدار والكبر .. كلبي ظل ينشاف خوفه
يالمسافر شو عفتني بلا دفن
وروحي راحت ظالة ثياب وجفن
لا تفجعوني .. بوية دفنوني

انة معلولة اهل .. والعليل يريد اهله
كاعد وياي الجل .. واندفن بس توب سهلة
كلشي ماظل والامل .. عافني وما كال طفلة
راح وعيوني على مهد الطفل
لا فركته ولا العلة تنحمل
صاحت عيوني .. بوية دفنوني

روحت طلعت من صحت .. ركضت لمحمل رقية
روح وياكم رحت .. شابكة المحمل بدية
ليلة ردتك تلتفت .. ليش ما تلتفت لية
شكد بجيت وصيحت تانوني
ياعيوني شو لجمتوا عيوني
ما سمعتوني .. بوية دفنوني

غيمت روحي وجع .. من جفت ذيج المحامل
صوت عبرات انسمع .. وانهضم عمي ابو فاصل
كلبي والشوف انفجع.. ما مصدمكة الغالي شايل
انة ميتة وباقي بعيوني نبض
فراكم موتني معذور المرض
لا تلوموني .. بوية دفنوني