المشاهدات: 1761   المدة: 12:37   الدقة: عالية
التصنيف: صوتيات دينية   الكلمات الدلالية: باسم الكربلائي، Zahraa Al obaidi
تعليق بواسطة ❀ ♬ Ashk
أنه السيف أنه السَطوه
أنه الموت أنه القَسوه
إبن ليث وإبن لَبوه
♠♠♠♠♠♠♠♠
والله اليوم أرِد الواحِد إبعَشره
والله اليوم أنَشِّف دَمعَة الزهره
والله اليوم أسَوّي الگاع دَم حَمره
وَخَلّيها الشجاعه تِغلِب الكَثرَه
♠♠♠♠♠♠♠♠
أنه العَبّاس أنه العباس أنه إبسيفي
أسَد كاسِر وسامِح وأكتِل إبكيفي
على إچفوفي يَعزرائيل حَل ضيفي
مِنهُم گال إخِذلي حيفَك إوحيفي
♠♠♠♠♠♠♠♠
مِنو اليوصَل خِيامي إوروحي بأنفاسي
إلّا إتشوفه صاعِد عالرُمح راسي
أنه الرَحمه ونه الصَرخه ونه القاسي
حُسيني حَيدري وفاطمي إوعبّاسي
♠♠♠♠♠♠♠♠
مُحال اليوم أخَلّي أطفالي عَطشانه
وَخوي إحسين يطلب ماي بلسانه
لَخَلّي اليوم جسمي بغير ذِرعانه
وَلا آنه اليعوف إحسين مو آنه
♠♠♠♠♠♠♠♠
حَتّه الخوف نَفسَه إيخاف من عِندي
وَنه القائِد إبجيش إحسين والجندي
وَنه السبعين ألِف رَدّيتهُم وَحدي
وآني السَلّمِتها الرايه للمهدي
♠♠♠♠♠♠♠♠
والله اليوم لَحفُظ هيبَة الخُوّه
وَجيب الماي گُوّه إعله الزِلِم گُوّه
لِخوي إحسين أموتَن راعي المرُوّه
وَگِلّه الروح فِدوه إتروحلَك فِدوه
♠♠♠♠♠♠♠♠
أنه العَبّاس وآني المحسن الثاني
أنه البيّه حَرِگ دخّان بيباني
إبوي المِثِل هذا اليوم رَبّاني
وِإبزينب عَلي الكرار وَصّاني
♠♠♠♠♠♠♠♠
وَحگ الله يَزينب مايمرّونچ
لَدوس إخشومهُم بالگاع لعيونِچ
إخِت عباس هاي إنتي اليسمّونِچ
يزينب والله أموتن وأندِفِن دونِچ
♠♠♠♠♠♠♠♠
للشاعر الحسيني : ناظم الحاشي