المشاهدات: 455   المدة: 18:45   الدقة: عالية
التصنيف: صوتيات دينية   الكلمات الدلالية: حمزة الزغير، علي الواسطي
تعليق بواسطة علي الواسطي
آنه أم البنين ودهري ذبني.. حگي لو صحت يحسين يبني
فگد الأربعه يهون.. وحسين السباني

إتعبت وسهرت الليالي وعلگت شمعة وجودي
حتى ربيت البنين الأربعه البيهم سعودي
نعاهده وگصدي برباهم أوفي الزهره عهودي
بدمهم تراني تبرعت.... للزهره وبعهدي صدگت
وظنيت بحسين اسلمت...وبحياة حسين زودي
فگد الأربعه ما هدم بيتي...لو بحسين ملزومه ثنيتي
وشلون أصبر شلون...وحسين السباني

صدگ ساهرت الليالي ومردت روحي برباهم
وصدگ صاروا بالفراسه سباع ما واحد لواهم
وصدگ خيم عالحرايب بيد ابو فاضل لواهم
وذخرت بالدنيا ذخرت .. عيناج صاحوا لو صحت
ضحيتهم وتأملت.... أشتري حسين بدماهم
فگد الأربعه نشف دموعي.. وعلى حسين متكسره ضلوعي
وصدر حسين مسحون.. وحسين السباني

شلون صفوة مجد من المرتضى الباري إصطفاهم
ونزه من الدنس حجري وكفل من حيدر ولاهم
وطهر الباري حليبي وامزجت روحي بغذاهم
وغرست بيهم غانمه.. وصاروا سباع الملحمه
ولحسين مهجة فاطمه...گلبي ولساني هداهم
وعن الأربعه لا تنشدوني.. وبيهم يا خلگ لا تفجعوني
فازوا خل يفوزون.. وحسين السباني

يابشر من تصد عيني لبو السجاد وجماله
چانك تشاهد محمد يزهر بلون الرساله
وآنه وصيت التوزم بالعلم يكفل عياله
والكفل سبع الگنطره.... والضعن لارض الطف سرى
وما ادري بحسين شجرى...وبالتعهد بالكفاله
بس يسلم حسين من المنايا...خلها تروح شباني ضحايا
وعنهم لا تنشدون... وحسين السباني

آه يا غربة عليل حسين من رد للمدينه
وبشربن حذلم ينادي بنايبات الطف عمينه
وسمع صوت أم البنين تصيح وين حسين وينه
يا بشر وضح لي الخبر....وخبرني بحسين إشصدر
من باهى شبلج عالنهر.. گطعوا يساره ويمينه
صاحت فدوه لحسين او وجوده .. لو عباس تتگطع زنوده
والچفين لتكون ..... وحسين السباني

يا بشر گللي شعلينه ديون وش شافت الكوفه
يا بشر صدني على متني ولعد حال الطفل شوفه
هذا بن عيلة بنين وعالنهر گطعوا چفوفه
لو چان ابو اليمه عدل .. يا دهر يتم هالطفل
يمكن عزيزي منچتل....وگلبي جان عليه خوفه
ولحال الطفل ممرود حالي....مسهر وانه ساهرت الليالي
وما تغمض لي عيون... وحسين السباني

يا بشر ماتنام عيني وشابحه للطف تراها
تفتش بمصرع حسين ومصرع حسين الدهاها
وتصد نوبه على الشريعه تريد سهم اللي عماها
وهذا الطفل حس بهله ... برض الطفوف إمجتله
ودم الحسين بكربلا... فاض وتطيب ثرايا
طابت كربلا بدم الشهاده.. وانه حسين خلف لي السعاده
أصبر والصبر عون... وحسين السباني