المشاهدات: 6734   المدة: 9:10   الدقة: عالية
التصنيف: صوتيات دينية   الكلمات الدلالية: باسم الكربلائي، Zahraa Al obaidi
تعليق بواسطة ❀ ♬ Ashk
آه يـحسـين ومصـابه .. لـجله العـين سچـابه

يـحسين يالذچـرك ابطـرف السـاني

وحاشـك لـن يـوم الـوعـد تنـسانـي

وآنـه اعتـقادي ابـدفتـرك عنـواني

وناجـح الصـار ابـدفتـرك عنـوانه

يحسين ريـجي الماي مايحلاله
من اتصـوره ادموعي تظـل هماله
اذكر رضيعك من يبس دلاله
ابـجمر العطش گلبه تـوج نيـرانه
ابـماي العذب يـحسين مانـتهنه
ويحـرم على اطفالك مـتشرب منه
چم طفل ظل يجـذب اعليه الونه
وچـم طفله ظلت ظامـية وعطشـانه
يـحسين عينـي من تصـد عـالشبان
اذكـر علي الاكبـر وشمعة عدنان
چني اشوفه امعفر اعله التربان
والذاري جسمه امچـفنه ابتربانه
يحسين لو عريـس عينـي اتشوفه
اذكر الجاسم وانتحب عالحـوفه
من دم وريده خضبوله اچفوفه
وتسحگ على اطفاله خيل عدوانه
يحسين والله من ذكرت امصابك
روحي توج ابنار مثل اطنابك
واهجس ابگلبي اصواب مثل اصوابك
وسهم المثلث بالچـبد نيـشانه

-----------------------------

كلمـات الشـاعر المـرحـوم >>> كـاظـم منـظـور الـكـربـلائـي