المشاهدات: 1693   المدة: 9:07   الدقة: عالية
التصنيف: صوتيات دينية   الكلمات الدلالية: باسم الكربلائي، Zahraa Al obaidi
تعليق بواسطة ❀ ♬ Ashk
بأبي انتَ وأمي ياحُسين
______________________________

آنه أحبك حُب جنوني ومختلف
وبعشگ غيرك أبد ما اعتـرف
بأبجديةّ الحُـب صرت حرف الألف
ينحذف كُلشيّ وتضل ماتنحذف

شلتك ابشربان دمي ياحُسين

بأبي انتَ وأمي ياحُسين
______________________________

اسمع بحـُب قيس مضروب المثل
هـوَّ قيـس لربع حُبـي ماوصلّ
ياحسين وماتلم وصفك جُمل
بكل قصيدة حُب اشوفك مُستهل

حافظ واسمك قبل إسمي حُسيـن

بأبي انتَ وأمي ياحُسين
______________________________

بالأساطير القديمة اشـگد صور
لچن انته ابصفحه وبصفحه البشر
ضامي بس كل إصبع ابچفك بحر
من جمالك ما أخذ گطع النحر

يبقى بس اعليك همي ياحُسين

بأبي انتَ وأمي ياحُسين
______________________________

الگطع نحرك يدفع اليومه الثمن
هوَّ مات وانتَّ حي ابكل زمن
احچي هاي الكلمة بالسر والعلن
تره العاف حسين ماعنده وطن

كولشي غيرك يبقى وهمي ياحُسين

بأبي انتَ وأمي ياحُسين
______________________________

ياهوى ولـو مـااشـمك اختنگ
گلبي لوما يسمع اسمك مايدگ
وآنه من گد ما أحبـك محترگ
صارت امنيتي ابدالك انسحگ

كون تحت الخيل جسمي ياحٌسين

بأبي انتَ وأمي ياحُسين
______________________________

ياحبيبي وروحي تهواك بصدق
بخدمتك من عالم الذر ملتحق
والله لا يحرمني من هذا الرزق
الجنة عندي ومجلسك ماكو فرق

اخدمك كل لحظة حلمي ياحُسين

بأبي انتَ وأمي ياحُسين
______________________________

كلمات الشاعر / كرار حيدر الخفاجي