ترا حيرة ام عبدالله تهيج آلامي
سألتها عليمن يبچي گالت ضامي
على وعدي سكينه اتضل اباب خيامي
وانا كسرة خاطر ضامي اتكسر اعظامي
غرفت منه غرفة وفز جرحي الدامي
ترا صورة وجه حسين اتهل گدامي
حسيته ايگــول .. اتـروه
گتله مــولاي .. والخـوه !
هاي الـمـتصير .. واعفيني واعفيني
3
انا اريد اتحس بالحالة وهاي ابعيدة
اكو والد ضامي ورايد يروي وليده
اكو راوي ينتظرونه وكلها اتريده
اذا يرجع كل عياله اتباوع بيده
اكو اب يـصبر بـنتـه بـإسم اعـضيده
اكو شاب اتحلم بيك اتگطع وريده
ترا بعدي يجيك حسين وشايل ابنه
يگول اخذو وسگو ورجعو النه
ولكن يرمونه ابنبلة وما يتهنه
يعين الله الـأبـنه ضامي يموت ابحظنه
يجي بي لخيامه وزينب تاخذ منه
تظن متروي ومتهني ونام اتظنه
صاحت يحسين .. رويـتـه !
گلها مذبـــوح .. رديـتـه
ياخوية ابـهاي .. واسيني واسيني
6
انــا رايــح عنك لكن عندي احچايه
اريد اتنفذها الخاطر نار اضمايه
اذا جن الليل اتشاهد حرمه ويايه
ترا زينب هاي وتسأل وين الرايه
وانا رايد روجك يغسل جسمي اهوايه
ولا اريدن بنت الزهره اتشوف ادمايه
ميت واعذار .. بعيوني
وابچي من اتگول .. سلبوني
ياخوية وياك .. خليني خليني
7
اكو باچر موقف حتماً يعمي اعيوني
يمر منا ضعن الاسرى ويودعوني
شگـل للخدر والخدر تمشي بدوني
اكو وحدة اتگلي وينك من سلبوني
اكو وحدة اتگلي اگعد شوف امتوني
اكو وحدة اتصيح الموت ولا يسبوني
المزيد من المقاطع بواسطة ahmed.dh
قصيدة: تعجز يا ماي
أداء: الحاج باسم الكربلائي
كلمات: الشاعر سيد عبدالخالق المحنه
_________________________________
تعجــز يا مــاي .. تغرينــي
انطيك العيــن .. وانطينــي
گطـرة ابـ هالجــود .. لـحـسينـي لـحـسينـي
1
انا گلبي جمرة وبارد ماي الجاري
وانا ادري قبلي وصلت ليك اخباري
قسماً بـالله العالي الحي الباري
اذا يشرب قطرة حـسيني تخمد ناري
اذا ماتكيفك اليمنى اخذ ايساري
واذا ماتـقـنع بچفوفي هاك انظاري
شاهد ياماي . خليتك
من شلتك ليش . بديتك
من تروي حسيـن . ترويني ترويني
2
ترا حيرة ام عبدالله تهيج آلامي
سألتها عليمن يبچي گالت ضامي
على وعدي سكينه اتضل اباب خيامي
وانا كسرة خاطر ضامي اتكسر اعظامي
غرفت منه غرفة وفز جرحي الدامي
ترا صورة وجه حسين اتهل گدامي
حسيته ايگــول .. اتـروه
گتله مــولاي .. والخـوه !
هاي الـمـتصير .. واعفيني واعفيني
3
انا اريد اتحس بالحالة وهاي ابعيدة
اكو والد ضامي ورايد يروي وليده
اكو راوي ينتظرونه وكلها اتريده
اذا يرجع كل عياله اتباوع بيده
اكو اب يـصبر بـنتـه بـإسم اعـضيده
اكو شاب اتحلم بيك اتگطع وريده
خدر واطفال .. تـتنطر
واني العباس .. واتعذر
صوت العطشان .. ياذيني ياذيني
4
انا رايح اوگع وابقه بنفس الجمره
يـجي ركضة حسيني الغالي يضمني الصدره
اذا شفته اتخوصر يمي وحاير بأمره
على وضعي وگـطعة چفي الكسرت ظهره
يجي ينحب يمي وحسره التحرگ حسره
اذا ينظر سهم العين اشــيبقى ابصدره !
ياخوية ايصيــح .. ياعمري
زينب شتگــول .. من تدري
اگعد عباس .. حاچيني حاچيني
5
ترا بعدي يجيك حسين وشايل ابنه
يگول اخذو وسگو ورجعو النه
ولكن يرمونه ابنبلة وما يتهنه
يعين الله الـأبـنه ضامي يموت ابحظنه
يجي بي لخيامه وزينب تاخذ منه
تظن متروي ومتهني ونام اتظنه
صاحت يحسين .. رويـتـه !
گلها مذبـــوح .. رديـتـه
ياخوية ابـهاي .. واسيني واسيني
6
انــا رايــح عنك لكن عندي احچايه
اريد اتنفذها الخاطر نار اضمايه
اذا جن الليل اتشاهد حرمه ويايه
ترا زينب هاي وتسأل وين الرايه
وانا رايد روجك يغسل جسمي اهوايه
ولا اريدن بنت الزهره اتشوف ادمايه
ميت واعذار .. بعيوني
وابچي من اتگول .. سلبوني
ياخوية وياك .. خليني خليني
7
اكو باچر موقف حتماً يعمي اعيوني
يمر منا ضعن الاسرى ويودعوني
شگـل للخدر والخدر تمشي بدوني
اكو وحدة اتگلي وينك من سلبوني
اكو وحدة اتگلي اگعد شوف امتوني
اكو وحدة اتصيح الموت ولا يسبوني
والحادي ايصيح .. متعمد
ميـت عبـاس .. مايگعد
يخت الكفال .. طيعيني طيعيني