المشاهدات: 4521   المدة: 5:37   الدقة: عالية
التصنيف: غير مصنف   الكلمات الدلالية: جعفر المطيري، Zahraa Al obaidi
تعليق بواسطة ❀ ♬ Ashk
رجفت اصبع وزناد ،
طبو ولدچ بغداد
من كل قطاع اتعنينه

حبل اشروگية .. ناس اعنودية
مو گبلك بچيت .. اولاد البعثية
آنـه أم الزلم ميسـان .. عراقي امولاحة اخبارة
بي غيـرة من اسألة منين! .. شارب ماي العمـآرة
رجفت اصبع وزناد ،
طبو ولدچ بغداد
من كل قطاع اتعنينة
امن الگيارة وفلاح .. عامل طالب فلاح
دخانك لتظن يعمينة

وللإصلاح إحنة اتعنينه ...

أيـامه كصيـرة .. الفاسد لا غيرة
برة اطلع منا .. اودورلك ديــرة
سـمعت الناصرية اتگـول .. انه شجرة رفض مااطيـح
خبيثة على اليبيـع الگـاع .. صوتي ابعـلوة گام ايصيـح
يابعد ايدي أهل الكوت .. صـاحو كلهم فد صوت
الفاسد ميظل ابـگاعي ..
هاي آنه ام الثورات .. صـويـحب حي ما مات
المنجل لو مات يداعيلي

وللإصلاح إحنة اتعنينه ...

لا متــشرفني .. اعرفك تعـرفني
ماكل حق الناس .. اچتافك شوفني
بابل والحضارة وياي .. وانته الكلشي ما وياك
اهل الحلـة صوت ودين .. دورك خلص وتعداك
والبصرة السمرة هناا .. ماتتباوض ويااا
الدرب الجابك ردادك ..
من الگرنة الحد الفاو .. لا تجبرها على الماو
فيز وتخير مگعادك

وللإصلاح إحنة اتعنينه ...

إنته واحزابك .. من لابو الجابك
لزمناك الباب .. يالخنت اترابك
هاي آنه السماوه ابخير .. آنه البيهه ألـف شعلان
وآنه كربلاء حسين .. أصيرن للرفض عنوان
ماتحكمني الأحزاب .. من الكوفة من المحراب
متعلم رفض الكل فاسد ..
رايد حقي من الباگ .. من اولاد التراياگ
دم اليتظـاهر مو بارد

وللإصلاح إحنة اتعنينه ..

___________________________

كلمات الشاعر : سجاد التميمي