المشاهدات: 13943   المدة: 10:58   الدقة: متوسطة
التصنيف: صوتيات دينية   الكلمات الدلالية: مصطفى النائب
تعليق بواسطة وسـام
جينا ننشد كربلا

جينا ننشد كربلاء مضيعينها .. بيها زينب قالو ميسرينها
جينا ننشد كربلاء مضيعينها .. جينا ننشد كربلاء مضيعينها

يسروها و لا لها واحد فزع .. شال حادي ضعونها بساع و ﮔطع
جينا ننشد وين أبو فاضل وﮔـع .. ما تدلونا الشريعة وينها
*** *** ***

جينا ننشد كربلاء مضيعينها .. بيها زينب قالو ميسرينها
جينا ننشد كربلاء مضيعينها .. جينا ننشد كربلاء مضيعينها

بس أشوفه و العتب مني يزول .. و أدري ابو فاضل على النخوة يجود
عذرة حـﮕـه يـﮕول مـﮕطوع الزنود .. حال ملـﭻ الموت بين بينه و بينها
*** *** ***

جينا ننشد كربلاء مضيعينها .. بيها زينب قالو ميسرينها
جينا ننشد كربلاء مضيعينها .. جينا ننشد كربلاء مضيعينها

جينا ننشد كربلاء عليها العتب .. نـﮕول هاي رجال و تدور الغلب
حرمة زينب بأيش مطلوبه بذنب .. فوﮒ ﭼتل حسين و مسلبينها
*** *** ***

جينا ننشد كربلاء مضيعينها .. بيها زينب قالو ميسرينها
جينا ننشد كربلاء مضيعينها .. جينا ننشد كربلاء مضيعينها

أرد انشدك كربلاء عن النزيل .. شلون ضعن الحرم شال بلا دليل
ﭼـان ﮔلتيلي يعاونه العليل .. بالمرض مشدوه وينه و وينها
*** *** ***

جينا ننشد كربلاء مضيعينها .. بيها زينب قالو ميسرينها
جينا ننشد كربلاء مضيعينها .. جينا ننشد كربلاء مضيعينها

أرد انشدﭺ هم صدﮒ بالشام عيد .. و حطو بطشت الذهب راس الشهيد
و من نشد زينب بديوانه يزيد .. جاعده لو واجفة مخلينها
*** *** ***

جينا ننشد كربلاء مضيعينها .. بيها زينب قالو ميسرينها
جينا ننشد كربلاء مضيعينها .. جينا ننشد كربلاء مضيعينها

جينا ننشد عالعليل من انولة .. فوﮒ ظعف المرض هلبلوى ابتلى
ليش ما غاصت بأهلها كربلاء .. من ﮔطع بالسيف راس حسينها
*** *** ***

جينا ننشد كربلاء مضيعينها .. بيها زينب قالو ميسرينها
جينا ننشد كربلاء مضيعينها .. جينا ننشد كربلاء مضيعينها

جينا ننشد كربلاء و زين العباد .. الروس شالوها و بـﮕت بس الأجساد
شلون جسمك سيدي من المرض بات .. ما حصل واحد حضى بتـﭽفينها
*** *** ***

جينا ننشد كربلاء مضيعينها .. بيها زينب قالو ميسرينها
جينا ننشد كربلاء مضيعينها .. جينا ننشد كربلاء مضيعينها

جينا ننشد كربلاء عن العيال .. شلون ﮔلي بلا ولي هلضعن شال
شخلو السبعين من غير الاطفال .. مذبحة ويلي ولا مسجينها
*** *** ***

جينا ننشد كربلاء مضيعينها .. بيها زينب قالو ميسرينها
جينا ننشد كربلاء مضيعينها .. جينا ننشد كربلاء مضيعينها

جينا ننشد كربلاء و الدمع زاد .. بيه أمية ﮔضت بحسين المراد
كربلاء عليها بـﭽت سبع الشداد .. وين شيعتها شسبب ناسينها
*** *** ***

جينا ننشد كربلاء مضيعينها .. بيها زينب قالو ميسرينها
جينا ننشد كربلاء مضيعينها .. جينا ننشد كربلاء مضيعينها

----------------------------
تشوف العين

تشوف العين هلليلة .. وداع حسين و العيلة
حزن و هموم .. وداع اليوم

ظلام الليل يرسم لي .. صور بالنوح مرسومه
أشوف حسين بخيامه .. يودع عيال مهمومه
و أشوف رجال مجموعه .. و حرم و أطفال معلومه
سمعت الصوت من زينب .. تصيح بروح مهضومه

بلهيب الروح و المدمع .. يخويه وياك نتوادع
الـﮕللب معلول .. وداع اليوم

*** *** ***
تشوف العين هلليلة .. وداع حسين و العيلة
حزن و هموم .. وداع اليوم

بنات خدور صوبها .. هضم توديع ولياها
مهجها بنار تتوﮔد .. غدت و الحال آذاها
على الوليان كل وحده .. تسيل دموع عيناها
الصبر ما عاد ينفعها .. صدى الأحزان يبراها

دليلي انصاب بالوعه .. تفايض جسمي بدموعه
دمعتي دموم .. وداع اليوم

*** *** ***
تشوف العين هلليلة .. وداع حسين و العيلة
حزن و هموم .. وداع اليوم

همت و البين هيمني .. دليلي بنار يتلفع
شفت هلحال من زينب .. تحن و تجود بالمدمع
وداع حسين ذوهنها .. صبرها عليه ما ينفع
تـﮕله شلون يبن أمي .. أشوف أجساد تتـﮕطع

يخويه حسين ما أﮔدر .. أشوف جسوم تتوذر
شيفيد اللوم .. وداع اليوم

*** *** ***
تشوف العين هلليلة .. وداع حسين و العيلة
حزن و هموم .. وداع اليوم

صعب هلحال لو شفته .. جسوم تطيح عالغبرة
أظن يحسين تدريني .. دليلي يذوب من صبره
هضم دنياي يرسم لي .. جسس و اضدان متوذرة
أداوي جروح بهمومي .. و أسلي الروح بالعبرة

يريت الموت يلفيني .. و لا دنياي توليني
الصبر محتوم .. وداع اليوم

*** *** ***
تشوف العين هلليلة .. وداع حسين و العيلة
حزن و هموم .. وداع اليوم

لوين تروح يبن أمي .. أحير بحال أيتامي
أشوف الخيل تلفيني .. و أشوف النار بخيامي
و أشوف الروس مرفوعة .. على روس رماح جدامي
دليلي يذوب يا خويه .. بلهيبي و نار آلامي

تفيض العين من دمك .. عساني أنذبح يمك
العمر ما يدوم .. وداع اليوم

*** *** ***
تشوف العين هلليلة .. وداع حسين و العيلة
حزن و هموم .. وداع اليوم

----------------------------
فقد الأهل غربه

فـﮕد الأهل غربه .. صعبة شكثر صعبة
دلالي بالهم ذاب .. يا فرﮔـة الاحباب

فـﮕد الأهل يا ناس .. غربة و مذلة
و الطفل ذله يعيش .. لو راحو أهله
بالدمعه و الحسرات .. يبـﮕـى يتسلى
جرح البعد ﭼتال .. محد يشلة

لا لا تلوموني .. من تهمل عيوني
طال عليه الغياب .. يا فرﮔـة الأحباب

*** *** ***
فـﮕد الأهل غربه .. صعبة شكثر صعبة
دلالي بالهم ذاب .. يا فرﮔـة الاحباب

طفلة و عليلة و حيف .. عافوني وحدي
و دموعي دم تسيل .. تجري على خدي
لا خبر جاني اليوم .. من اهلي ودي
وحشه و خليه الدار .. لا والي عندي

وياهم مشى ﮔللبي .. عيوني بـﮕت ترضي
بلهفة تصد عالباب .. يا فرﮔـة الأحباب

*** *** ***
فـﮕد الأهل غربه .. صعبة شكثر صعبة
دلالي بالهم ذاب .. يا فرﮔـة الاحباب

بس المهد بالدار .. خالي انظرة
روحي عليه تلوب .. كلما أذكره
عبدالله و بفرﮔـاه .. ﮔللبي شيصبره
سالم يرد يا ريت .. عمري على عمرة

تدفة و تشب ناري .. بس الصدى بداري
دمعي دما سـﭽـاب .. يا فرﮔـة الأحباب

*** *** ***
فـﮕد الأهل غربه .. صعبة شكثر صعبة
دلالي بالهم ذاب .. يا فرﮔـة الاحباب

يا أهلي ما ضنيت .. اصبح غريبة
و ﮔللبي يظل يلوب .. يسعر لهيبة
الراح بطريق الموت .. ياهو اليجيبة
بين انتظار و خوف .. عشت المصيبة

من لوعتي و همي .. ناحل صبح جسمي
بالمرض جسمي انصاب .. يا فرﮔـة الأحباب

*** *** ***
فـﮕد الأهل غربه .. صعبة شكثر صعبة
دلالي بالهم ذاب .. يا فرﮔـة الاحباب

بس الجسم ظليت .. بأرض المدينة
لطف كربلاء وديت .. ﮔللبي و حنينة
والدي أصبح وين .. و حامي الضعينة
و عبدالله و ام ﭼلثوم .. و امي و سكينه

و عمتي و ﮔمر هاشم .. و الأكبر و جاسم
وياهم الي عتاب .. يا فرﮔـة الأحباب

*** *** ***
فـﮕد الأهل غربه .. صعبة شكثر صعبة
دلالي بالهم ذاب .. يا فرﮔـة الاحباب

بين الأمل و الياس .. هل ذبل عمري
بيدي حفرت للموت .. يا هلي ﮔبري
انا اهجس الحسرات .. تنهش بصدري
يا هلي و للمعبود .. سلمت أمري

محد سمع صوتي .. لمن ﮔرب موتي
بـﮔلليبي ﭼم صواب .. يا فرﮔـة الأحباب

*** *** ***
فـﮕد الأهل غربه .. صعبة شكثر صعبة
دلالي بالهم ذاب .. يا فرﮔـة الاحباب

----------------------------
ياخويه من شفناك

يا خويه من شفناك .. حيرنا وضعك ذاك
ﭼـان السهم بالعين .. يا صاحب الـﭽفين

خويه خويه .. عهدك وفيته وياي

أنا اللي كلفك حيدر تراعيها ..
أنا اللي الوصتك أمك تباريه ..
وفيت و ﭼني روحك و أنته تحميها ..
ﮔبل ما أطلب الحاجات ألاقيها ..

طول العمر ظليت .. حاضر الي و لبيت
حد ما لفاك البين .. يا صاحب الـﭽفين

*** *** ***
خويه خويه .. عهدك وفيته وياي

حين الباري صاغك مالك القدرة ..
أخذ مني البحر غضباته و الثورة ..
و أخذ مني الجبل عزمه و كسر صبره ..
و حنان أم البنين الطاهرة الحرة ..

و هيبة علي الكرار .. شـ أكثر بعد يختار
يا محير الكونين .. يا صاحب الـﭽفين

*** *** ***
خويه خويه .. عهدك وفيته وياي

يا سر اليخلي الباري يهتم بيك ..
و الكل هلصفات بقدرته ينطيك ..
لو ما يعرفك ﮔد الوفا و يدريك ..
ما ﭼـان بحليب الطاهرة يغذيك ..

رادك أسد ضرغام .. لو شفت أخوك أنضام
صار أمتحانك وين .. يا صاحب الـﭽفين

*** *** ***
خويه خويه .. عهدك وفيته وياي

وصلنا لكربلاء و صار المصاب هناك ..
و مصباحه بأمرها تحيرة عيناك ..
مرة تصد علينا و مرة صوب عداك ..
و بركانك تفجر من طفل ناداك ..

يا عم تسلي ضماي .. يا عم أريد الماي
دليني دربه منين .. يا صاحب الـﭽفين

*** *** ***
خويه خويه .. عهدك وفيته وياي

جوابك غضبه من هلغيرة تتفجر ..
و صوتك صاعقة و نزلت على العسكر ..
و الكل انذهل و بعزمك تحير ..
مثل حيدر علي بالحومة لو كبر ..

تهتف أنا العباس .. و بصوتك النومات
و أنكشفت الصوبين .. يا صاحب الـﭽفين

*** *** ***
خويه خويه .. عهدك وفيته وياي

وصلت المشرعة و جودك حضن مايه ..
و عليك الثمة تلكل خويه رمايه ..
و عيون العطاشى تراقب الرايه ..
ساعة و لن هويت يالرايتك آيه ..

حين الطحت ناديت .. تسألني هم وفيت
رد محني ظهر حسين .. يا صاحب الـﭽفين

*** *** ***
يا خويه من شفناك .. حيرنا وضعك ذاك
ﭼـان السهم بالعين .. يا صاحب الـﭽفين