المشاهدات: 17298   المدة: 6:36   الدقة: عالية
التصنيف: صوتيات دينية   الكلمات الدلالية: محمد الجنامي
تعليق بواسطة *RÂყÂм*
حسين.. مشايه عشگ .. وبدرب الصدگ
بدونك اختنگ
حسين..

حسين.. اتعب وانتچي .. على متن البچي .. زاير والحچي
حسين..

يحسين .. يحسين

متحزم بالرايه
گاصدلك مشايه
خطواتي امصلايه
امشي وادعي

اتوضه من ادموعي
ومصابك موضوعي
حيل أللطم بضلوعي
واعليك انعي

يحسين .. يحسين

عايف من أجلك كلشي
الدم يوگف لوما امشي
لواموت وينسد رمشي
هم يوصلك گبرك نعشي

بيش اوصفلك احساسي
شيب الحب تارس راسي
تنزل تصعد انفاسي
بحروفك يانوماسي

يحسين .. يحسين

حسين.. راية حب ترف .. كل خطوة بألف .. ازحفلك زحف
حسين..

حسين.. گلبي البوصله .. أشر كربله .. أقره البسمله
حسين..

يحسين .. يحسين

ياگلبي ويا روحي
أمشيلك بجروحي
جايبلك كل نوحي
وانته الغالي

من اعطش من اتعب
اتذكر مشي زينب
مسبيه تتعذب
وبلا والي

يحسين .. يحسين

اعطش والماي أگبالي
واذكر عبدالله الغالي
اگعد يم مهده الخالي
ويا أحچي ابموالي

يالألوانك مخطوفه
هاك الدمعه المذروفه
عمك گطعوله اچفوفه
وما ظن يرجع وتشوفه

يحسين .. يحسين

حسين.. موكب زينبي .. جاي امن السبي .. بعيال النبي
حسين..

حسين.. وانه گلبي انطعن .. جيت امشي ابشجن .. اتلگه الضعن حسين..

يحسين .. يحسين

كل طفله اتمر بيه
آنه اندب يرقيه
عافوها مسبيه
ابدار الغربه

من أحسب چم ليله
مو يمك هالعيله
سجادك ابچيله
جرحه ابگلبه

يحسين .. يحسين

وآنه ابنص المشايه
انصب يحسين اقرايه
بكل موكب عندي احچايه
اجروح المسبيه اهوايه

اليسأل انطيه اجوابي
غيرني امصاب احبابي
مليانه اتراب اثيابي
وارد أوصلك بـترابي

يحسين .. يحسين

حسين.. املاك السمه .. موكب فاطمه . نحوك قادمه
حسين..

حسين.. المهدي ابموكبه .. يهتف مرحبا .. ثارك مطلبه
حسين..

يحسين .. يحسين

صوت اسمع اجه عيسى
يمشيلك وي موسى
مزدحمه ومتروسه
كل ادروبك
جبريل اويه الهادي
يمشون ابـهالوادي
بالموكب علي حادي
طلعوا صوبك

يحسين .. يحسين

عباس ابذيچ الرايه
يستقبل بالمشايه
ايوزع عالناس ابمايه
ويسويهم وفايه

يحسين ومن أسرارك
ايزور ابعرش الله الزارك
جنة اتضيف خطارك
ويصير الزاير جارك

يحسين .. يحسين

____________________________

كلمات الشاعر : وسـام الشـويـلي