راح اشتاكلك - سلوان الناصري - ( حصرياً ) - قصائد أربعين الإمام الحسين (ع) , 1440 - 2018 بواسطة ❀ ♬ Ashk في 2018/10/6 (منذ 6 سنوات) تنزيل (5.1 MB) رابط قصيرg+ftاغلاق
المزيد من المقاطع بواسطة ❀ ♬ Ashk
گبل ما نفترگ خلينه نتلاگه
گبل لتروح كون اتموت عيني
يخويه والله يستر من حنيني
لإن خصم الحچي ما أحمل افراگك
راح اشتاگلك لو ادري ماجيت
عشنه وشفنه ساعتنه الأخيره
من اجيت وياك چن الـوحدي رديت
أشوف اعيوني دمعتها چبيره
أهـل البيـت ما الگا لهم بيت
صدگ هوه الوكـت ميت ضميره
انه الما ادري عدله اشلون ظليت
اجيت اختك ورديت الأسيره
گاعد يمي واعتـب ماتجيني
بخويه والله يستر من حنيني
لإن خصم الحچي ما احمل افراگك
من اشتاگلك انه اوصل الموت
سويه اتموت تشتـاگ الغريبه
بس حط فوگه خشبه ايصير تابوت
يشبع موت الــ يفارگ حبيبه
إذا بعض الجروح اتطيب بسكوت
يظل جرحي جرح لو طلع شيبه
يلاگيني الوداع منين مافوت
من اگعد تجي فوگي المصيبه
بقه السـابع أرض يوصل ونيني
يخويه والله يستر من حنيني
لإن خصم الحچي ما احمل افراگك
انه اشتاگلك وعيوني مـتشوف
علي جرة النفس كلش ثگيله
ابرگبتك انه والعيله والسيوف
ابرگبتي احچايتك صرتي الكفيله
من ارض المدينه الگبر الطفوف
ولـلشـام وبعد صارت طويله
يـوكـتي وياي ماسويت معروف
وانه اخت احسين تعرف موقليله
اشصاير يادهر بينك وبيني
يخويه والله يستر من حنيني
لإن خصم الحچي ما احمل افراگك
________________________
كلمات الشاعر -: فاضل حسن
________________________
كـتآبةة Zahraa Al obaidi