المشاهدات: 1430   المدة: 9:23   الدقة: عالية
التصنيف: صوتيات دينية   الكلمات الدلالية: عمار الكناني، Zahraa Al obaidi
تعليق بواسطة ❀ ♬ Ashk
سلامي .. على روح الزهرة
سلامي .. علو الشيبة الحمرة
سلامي .. لابو الاكبر اقرة
⊱━━━━⊰✾⊱━━━━⊰
بالجنة انسال شتريد .. قصر لو احلى حورية
واگللهم اريد حسين .. اقرا گباله لطمية
من اشوف الوادم يبوسون .. متني بروح حنية
اكولن ذولة يحترمون .. العبد لعيون راعية
خليلي .. روحي عشگت روحه
خليلي .. جروحي من جروحه
سلامي .. طير وسط الحضرة
⊱━━━━⊰✾⊱━━━━⊰
سلامي .. على روح الزهرة
سلامي .. علو الشيبة الحمرة
سلامي .. لابو الاكبر اقرة
⊱━━━━⊰✾⊱━━━━⊰
انة صاحب طويلة وياك .. والعشرة جنونية
ياخذني العشگ للشام .. على ناگة ويمر بية
على فطرتنا واحنة زغار .. بدينة اقلام حنية
ونكتبلك رسايل شوگ .. على باب الحسينية
غرامي .. غافي بين جفونة
غرامي .. دمعة بين عيونة
سلامي .. لمنحرك بية اسره
⊱━━━━⊰✾⊱━━━━⊰
سلامي .. على روح الزهرة
سلامي .. علو الشيبة الحمرة
سلامي .. لابو الاكبر اقرة
⊱━━━━⊰✾⊱━━━━⊰
انة بجسمي احس مو روح .. هوى من رفت الراية
ومشيت وية الگمر بالطيف .. كعدنا اعلى المسناية
وشفت زينب واخذني الخوف .. وغركت بمستحة هواية
ابتسملي وگالي العباس .. سلم عمتك هاية
حياتي .. عمري بين جفوفة
حياتي .. طرزتها حروفه
سلامي .. يلتمسكم نضرة
⊱━━━━⊰✾⊱━━━━⊰
سلامي .. على روح الزهرة
سلامي .. علو الشيبة الحمرة
سلامي .. لابو الاكبر اقرة
⊱━━━━⊰✾⊱━━━━⊰
بيدي من اخدم الزوار .. جمر مرات يحركني
احس بحسيني اخ يگول .. واسف بوية ترس اذني
ذرية اطلب من حسين .. ولد ع الخدمة يسبكني
واذا منه طلع تقصير .. اخذ ياربي عمر ابني
هيامي .. يشعر بالامه
هيامي .. من رماد خيامة
سلامي .. للجروح بصدره
⊱━━━━⊰✾⊱━━━━⊰
سلامي .. على روح الزهرة
سلامي .. علو الشيبة الحمرة
سلامي .. لابو الاكبر اقرة
⊱━━━━⊰✾⊱━━━━⊰
عوفوني الطم اعلى حسين .. اعلى وجهي واجرح رسومه
من اشك هدومي ما انلام .. حبيبي مسلبة هدومة
المغرم روحه كلها ضلوع .. ابحوافر خيل مهشومة
اليسولف وحده لو شفتوه .. عاشگ لحد يلومه
حنيني .. البسمة من شفافه
حنيني .. عاش كلمن شافه
سلامي .. وياه انين وحسرة
⊱━━━━⊰✾⊱━━━━⊰
سلامي .. على روح الزهرة
سلامي .. علو الشيبة الحمرة
سلامي .. لابو الاكبر اقرة
⊱━━━━⊰✾⊱━━━━⊰