المشاهدات: 2184   المدة: 18:26   الدقة: عالية
التصنيف: صوتيات دينية   الكلمات الدلالية: باسم الكربلائي
تعليق بواسطة ahmed.dh
اليالي الفاطمية الثالثة 1441 هـ
قصيدة : سيف الله
أداء : الحاج باسم الكربلائي
كلمات : الشاعر علي السقاي
المكان : حسينية ديوان الكفيل - لندن

الكلمات:

سيف الله الليله يحچي الليله ويه سيفه
كل واحد اعله الثاني يبدي حيفه

عن فاطمه يدور الحـــوار
بين الأمير و ذوالفقـــار
_________________________

ذو الفقار ايصيح، ضايج ابهمه
بس إمام الكون، يگدر ايفهمه
سلم ابـإجلال، عالذي يلزمه
السلام اعليك، يابو الهمه
مو عتاب ولوم، عندي چم كلمه
ماخذتني ليش، ساعة الهجمه

ابحشمه يمن هجمت عده اعله دارك
انته الفتى وهذا انا ذو الفقارك

حيث المديح ابـهالشعـــار
بين الأمير و ذوالفقـــار
________________________

هذا راعي السيف، ابحسرته ايجاوب
رد سلامه إعليه، والدمع ساچب
ايگله تعرف زين، إبن ابـو طالب
ينسف الأجبال، من يهب غاضب
اشلون احارب بيك، والله مو كاتب
والنبي بالموت، وصى لتحارب

ايگله الوصيه من حروبي أصعب
اشلون اصبر وادري الوديعه تضرب

تجدد ذكر باب وجــدار
بين الأمير و ذوالفقـــار
________________________

سيف ابوالحملات، ناده بالعبره
اعليك الف ياحيف، تجذب الحسره
بيه چنت ابطال، تردي عالغبره
ابحدي أذكر يوم، مرحب اتشطره
وسفه هالمقدام، اتگيد ابصبره
واللي يـشرد چـان، اتعده عالزهره

يبچي ويگله وسفه من تعزها
قنفذ اجاها وبالغمد وكزها

تتنقل اخبار اللي الصـــار
بين الأمير و ذوالفقـــار
________________________

صاح ابوالحسنين، هاك اخذ اكثر
بالغسل حسيت، ابــضلع الــ تكسر
انا ابوالحمـلات، الفارس القسور
الضارب ابسيفين، والبطل حيدر
امعطله الأسماء، حگي اتحسر
اصبر ويا سيف، مثلي تتصبر

يا ذو الفقاري وصارمي وحسامي
و ذو الإصطبــار ابآخر الأسامي

ينضح مرار الإصطبـــار
بين الأمير و ذوالفقـــار
________________________

صاح هذا السيف، الما عرف غمده
الباري يا بوحسين، الـ أزرك ايشده
بالفتح ياحيد، من گبل مده
ابكسرك الأصنام، صارت العقده
والدفع هالباب، نفسه مترصده
كسرة الاضلاع، وحده ضد وحده

شن حربك وخل افضخ الجماجم
حرب الضلع تتسمه بالملاحم

ابــأمر الحرب يصدر قـــرار
بين الأمير و ذوالفقـــار
________________________

لن جليس الدار، بالحزم يبدي
ايگله لا يا سيف، ملتزم عهدي
ثاري مو هاليوم، ثاري من بعدي
تنتقل موروث، الـ قبضة المهدي
مو فقط بجيوش، بالرعب يحدي
بالمدينه ايصيح، أثأر الــ جدي

ادعي الصمد يوم الفرج يعجله
ينبش قبور السامري ويه عجله

ماتطفى نار الإنتظـــار
بين الأمير و ذوالفقـــار
________________________

هالحوار الدار، امسجله احروفه
شيعة الكرار، اتسمعه ملهوفه
تنتظر هالسيف، رايده اتشوفه
من يجي الموعود، كلها بصفوفه
ياخذ الثارات، ابدمعه مذروفه
من الحجاز ايروح، الـ مسجد الكوفه

لابد يمر اعله النجف زياره
يقره امين الله اويه ذو الفقاره

ايصير اللقاء ابـ هالمـــزار
بين الأمير و ذوالفقـــار