المشاهدات: 3710   المدة: 7:00   الدقة: عالية
التصنيف: صوتيات دينية   الكلمات الدلالية: محمد الحلفي، علي الدلفي، Zahraa Al obaidi
تعليق بواسطة ❀ ♬ Ashk
عرفناك .. آخر مره هاي وماتجينه
بچيناك .. ويه الله اوياك گمنه انهز بـإدينه
شلت جدمك ومدري منين اجه الخوف الكلبنه
لو ردنه إحنه وين انروح إعليك ايمر درينه
ذني اعيون ملگاك هل بيهن بچينه
صورة وطلقه وياك سوه ايلوگن علينه

كسر گلبه .. العله ايامك كسر گلبي
حشد شعبي .. لچن موتك حزن شع بي

تابوت يشهد يا لؤي إنك شهيد العاشر
جرحك وگع عالكامره خاطر يـصور باجر

اننـوح ابــزيارة وارث ونندب علي
ونگله صاحبنه ابجوارك يالولي

اشگد حلو لمن طاح چنه ابكـربله
ابـجسمه شظايه اخوان نـبلـة حرملة

صح بچينه .. بس رضينه .. ابطيحتك
.................

منو الگال .. كل علة ويچي وياها دواها
الفراگ .. عنك يگطع الدنيه وهواها
لا مو مره احنه أهـواي وياك اندفنه
خاف اتگول بعد الموت عنك ماسألنه
بشر ما عاشو وياك ولا چانو احبـابك
اعله شارع صورة شافوك اتأذوا من غيابك

عليك ابچي .. واخاف اسكت عليك ابچي
عليك احچي .. واگول اشدعوه من احچي

تابوت للجنة صعد لـحسين ماخذ روحك
تابوت نازل يم علي ارويحـة حلاة اجروحك

ياوارث ارتاح دمك منتصر
ويـانصار الحسين باچر تنذكر

يـالـمنتظر وبـروحه يصعد للأجل
اعماله يقبلهن سوه خير العمل

صح بچينه .. بس رضينه .. ابطيحتك

..............................

لؤي چان .. ابد منگولها اشويه ويجينه
لؤي راح .. بس يشبگ علـي ويرجع علينـه
فـك تابوته تلگه اطيور وشموع ومحنه
كــشف خده للشاجور خلــها اتنام أهلنـه
تلگة الـي يغسلون ابوجه كله ابتسامه
اشما رادوا يچفنون تكـض چفهم حمامه

اشد گلبي اعله شريناك .. اشد گلبي
وألم دربي اذا عافك .. ألم دربي

ياعاشگ اصحاب الوفه من گلبك العباسك
يانور وجهك چن نبي دنــگ عليك واباسك

اشكد فاهية الدنيه وجها ابلا ملح
عاتبني لو ساعه آنه اويـاها ابصلح

حطو عليك اجناح ودموع ووضوه
كــونك نمت مرتاح ماريد الهوه

صح بچينه .. بس رضينه .. ابطيحتك

..............................

كلمات الشاعر ~ فاضل حسن