ليالي استشهاد الإمام الكاظم (ع) 1443 هـ
قصيدة: صلّوا على موسى
أداء: الحاج باسم الكربلائي
كلمات: ناظم الحاشي
المكان: العتبة الكاظمية المقدسة
=================
الـــكــلـــمـــات:
صَلوا على موسى
كِل زوّاره مَحروسه
قيد السِجِن بيده
يعني الكَعبه مَحبوسَه
مُجرِمها قاضيها .. شاهِد تِضَل بيها
يارَجَب...يارَجَب
المزيد من المقاطع بواسطة ahmed.dh
قصيدة: صلّوا على موسى
أداء: الحاج باسم الكربلائي
كلمات: ناظم الحاشي
المكان: العتبة الكاظمية المقدسة
=================
الـــكــلـــمـــات:
صَلوا على موسى
كِل زوّاره مَحروسه
قيد السِجِن بيده
يعني الكَعبه مَحبوسَه
مُجرِمها قاضيها .. شاهِد تِضَل بيها
يارَجَب...يارَجَب
صَلّو لِمَن صَلّى إبطامورَة سِجِن ظالِم
صَلّه العَرِش لَجله كِلمَن صَلّه عالكاظِم
من تحظر المجلس وإتشارِك عَزه القائِم
چَن عالجِسِر حاظِر إبشيل إجنازِته إمساهِم
ياموسى إبِنْ جَعفَر گِلّه إقبَلْني إلك خادِم
لَتصَدِّگ إيرِدّك بَس حَلفه إبظِلع فاطِم
ياصاحِب الحاجَه .. أطلُب حاجِتَك مِنّه
مِن تِدخِل الگُبته .. چَنّك داخِل الجَنّه
والشِدّه يگضيها .. شاهِد تِضَل بيها
يارَجَب...يارَجَب
صَلّو على موسى
كِل زوّاره مَحروسه
قيد السِجِن بيده
يعني الكَعبه مَحبوسَه
مُجرِمها قاضيها .. شاهِد تِضَل بيها
يارَجَب...يارَجَب
سجنه اوسجِن يوسِف بس چان الفَرِق شاسِع
يوسف طلع حاكِم إوموسى إعله الگبر طالِع
للرب رَغِم سجنه قائِم ساجِد إوخاشِع
موبس عِبَد رَبّه بَل سَوّه السجِن جامِع
ندري الحقد كِلَّه ضِد السيد السابع
گَلهُم علي الأول من گالو علي الرابع
ياساجِن الكعبه .. إنظُر كعبَةْ الناظِر
صارت رغم أنفَك .. چَنها إزيارَة العاشِر
من ربها يدعيها .. شاهِد تِضَل بيها
يارَجَب...يارجب
صَلّو على موسى
كِل زوّاره مَحروسه
قيد السِجِن بيده
يعني الكَعبه مَحبوسَه
مُجرِمها قاضيها .. شاهِد تِضَل بيها
يارَجَب...يارَجَب
يازاير الكاظم لو تدري إشعُظُم قَدرَك
من توصل إتزوره إوتلگه المهدي ينتظرَك
تِتمنّه تِتمَنّه تبقه إبابه كِل عمرك
مِن ريحَة الجَنّه ريحَةْ مَرقَده إتعَطرَك
وَي دَمْعِتَك تِنزِل كِل إذنوب إل إبظَهرَك
يعني إبرِضه رَبّك دَمعَة عينك إتبَشرَك
نِعمه إوعلى النِعمه .. واجِب رَبَّك إتشِكره
لَمّن جعَل گلبك .. عاشِگ موسى عالفِطره
والدمعه تبچيها .. شاهِد تِضَل بيها
يارَجَب...يارجب
صَلّو على موسى
كِل زوّاره مَحروسه
قيد السِجِن بيده
يعني الكَعبه مَحبوسَه
مُجرِمها قاضيها .. شاهِد تِضَل بيها
يارَجَب...يارَجَب
قِصَّة قَتِل موسى لازِم بيها مَنْجامِل
وإبكِل زَمَن واجِب نِحچي القِصّه بالكامِل
نخفي القَتِل إلمَن مادام القَتِل حاصِل
وِلّي سِكَت شارَك وإبَيعَة علي ناكِل
راشِد شنو راشِد هذا الحاكِم الجاهِل
سِم السِجِن يشهَد ضِد المُجرِم القاتِل
ماتنخِفي أفعاله .. هارون الفَلا راشِد
قاتِل بِلا رحمه .. عدنه الحاظِر الشاهِد
دَم موسى يحچيها .. شاهِد تِضَل بيها
يارجب...يارجب
صَلّو على موسى
كِل زوّاره مَحروسه
قيد السِجِن بيده
يعني الكَعبه مَحبوسَه
مُجرِمها قاضيها .. شاهِد تِضَل بيها
يارَجَب...يارَجَب
تِشكي الظُلُم للرب جِثّه إمن الشمِس والحَر
جِثّه إو دَليل السِم غَيّر كِل شِكِلها أصفَر
ضَلّت ثلاثَه إبْلا تَشييع إو أهَل تِحظَر
قِصّةْ ذبيح الطَف قِصَّة موسى إبِنْ جَعفَر
نَفسه الفعِل نَفسه بَس إبْلا گَطِع مَنحَر
إحسين إبرمِح راسه والكاظم سَجين إنْجَر
قِصَّةْ قَتِل موسى .. لوتنظر على القُصَّه
حصّةْ غَدُر تِلگه .. الهارون الشِمِر حُصّه
طف ثاني يمحيها .. شاهِد تِضَل بيها
يارَجَب...يارجب
صَلّو على موسى
كِل زوّاره مَحروسه
قيد السِجِن بيده
يعني الكَعبه مَحبوسَه
مُجرِمها قاضيها .. شاهِد تِضَل بيها
يارَجَب...يارَجَب
فوگ الجِسِر باقي ليش إبلا غِطه جِسمه
هذا الذي تِحلِف كِل شيعَة علي بِسمه
ليش البَعَض خايف مايكتِب شِعِر قَلمه
مو زحمه من ربَّه بَس امن البَشر زَحمه !
وَحده بِلا ناعي إومَحّد يطلب إبدَمّه
ماچَن بَني هاشِم كِلهم من ولِد عَمَّه
ياشيعه ياشيعه .. مِنعو شيعِتَه إتشَيعه
يَم الجِسِر گالوا .. مَحّد يوصل إيرُفعه
وَحزانَه يحييها .. شاهِد تِضَل بيها
يارَجَب...يارَجب
صَلّو على موسى
كِل زوّاره مَحروسه
قيد السِجِن بيده
يعني الكَعبه مَحبوسَه
مُجرِمها قاضيها .. شاهِد تِضَل بيها
يارَجَب...يارَجَب
كِل شيعي بِوداعه إبعينه الدمعه مكسوره
واليفگِد الوالِد ضَلّت داره مهجوره
الغابو گَبُل عَنّه لا مو عَنّه معذوره
إولا تِنحِسِب شيعه هَسّه الماتِجي إتزوره
لَتْصَدِّگ إمرايه تِحفُظ للبشر صوره
بس صاحب الدمعه تُبقه إبخدّه مَحفوره
مايحفظ الصوره .. ماي المَدمع الساجِم
بس تنحُفُظ دمعه .. ترسم صورة الكاظِم
موجوده تِلگيها .. شاهِد تِضَل بيها
يارَجَب...يارَجَب
صَلّو على موسى
كِل زوّاره مَحروسه
قيد السِجِن بيده
يعني الكَعبه مَحبوسَه
مُجرِمها قاضيها .. شاهِد تِضَل بيها
يارَجَب...يارَجَب
راهِب بَني هاشِم كاس السِم جِرَع كاسَه
مات إوعله الكعبه مادارَو أَبَد راسه
لوما مَخافَتهُم ضِدهُم تنگلُب ناسَه
صَدِّگ تَره أعدائه تِهدِم گبره بالفاسه
چَم حاقِد إبحاقِد تِلگه السِندي بِحساسه
من يرجع الكاظِم يرجع يگطَع أنفاسه
هذا الحقِد هذا .. ضِد الكاظِم إوضدنه
ماينتهي لَمّن .. يشهُر سيفه قائِمنه
هُوّه اليصَفّيها .. شاهِد تِضَل بيها
يارَجَب...يارَجَب
صَلّو على موسى
كِل زوّاره مَحروسه
قيد السِجِن بيده
يعني الكَعبه مَحبوسَه
مُجرِمها قاضيها .. شاهِد تِضَل بيها
يارَجَب...يارَجَب