المشاهدات: 2284   المدة: 6:31   الدقة: عالية
التصنيف: صوتيات دينية   الكلمات الدلالية: ميثم التمار، مقتدى المحمداوي
تعليق بواسطة 124321
طايحين بشدة - الشيخ ميثم التمار - مقتدى المحمداوي (حصرياً) | محرم 1442هـ - 2020 مـ
Maytham Al Tammar - Tayihin Bshda (EXCLUSIVE) | 2020

الحان : الشيخ ميثم التمار
كلمات : عباس الغزي
توزيع : محمد الغراوي
م. صوت : قيصر الغراوي
ماسترينغ : حسين الطليباوي
اخراج : ماهر الموسوي

كلمات القصيدة :

طايحين بشدة مولاي ..
حايرين وعندك الراي ..

والله خانگنه الوباء
يمته نشتم كربلاء
ياحبيبي ياحسين
ياحبيبي ياحسين
--------------------
تايهين بدنيا ظلمة والشمس محجوبه
والگلوب من المصايب والحزن متعوبه
ياحسين اتصيح كلها من المرض مرعوبه
لحّگ اعلينه بفزعتك شيعتك منكوبه


بينك ومابين عباس ..
مشتهين انجر الأنفاس ..

وسفه فرگنّه البلاء
يمته نشتم كربلاء
ياحبيبي ياحسين
ياحبيبي ياحسين
--------------------
سيدي لو نظرة منك هالوكت أذاّنه
كلنه غرگانين بالهم والفرح عافانه
طايحين وماندّنگ ندري بيك أويانه
نصرخ بوجه المنية حسين ماينسانه

مد أديك وشيل الأعراض
شيعتك كتلتها الأمراض

بيدك يتم الشفاء
يمته نشتم كربلاء
ياحبيبي ياحسين
ياحبيبي ياحسين
---------------------
خدمة المنبر عقيدة وبالگلب مزروعه
والربه بحظن المجالس مايكض ادموعه
عايشين الطف قضية وبينه تسري اللوعه
هسه ملغيّة المآتم والخدم مفجوعه

ماسكتنه بوكت الاعدام
من زغرنه وأحنه خدّام

مانعيش بلا عزاء
يمته نشتم كربلاء
ياحبيبي ياحسين
ياحبيبي ياحسين
-------------------
حسرة الخدّام حسرة وغيمة سودة اعليها
تحسب احساب المحرم والدمع يچويها
صعبة يحسين المواكب محد أيمر بيها
أنموت اذا ذكرى اربعينك تجي ومانحييها

وسفة تتلگّانه الأخطار
كل سنة نتلگه زوار

نلبس الخدمة رداء
يمته نشتم كربلاء
ياحبيبي ياحسين
ياحبيبي ياحسين
------------------
سيدي ماعدنه غيرك والمآسي اهوايه
انت باب الله ورحمته وبالمحن تچايه
شلون اذا يوم اربعينك ماترف الرايه
واحنه مخلوقين لجلك كل وكت مشايه

والله مانتحمل فراگ
كل وكت للحضرة نشتاگ

ونصرخ بهذا النداء
يمته نشتم كربلاء
ياحبيبي ياحسين
ياحبيبي ياحسين