طبيعيه اليحب معذور - ملا مسلم الوائلي بواسطة محمد سعيد في 2021/2/16 (منذ 3 سنوات) تنزيل (11.8 MB) رابط قصيرg+ftاغلاق
المزيد من المقاطع بواسطة محمد سعيد
وهيه الشمـعه سـالوفتها بالنار
ابنـار اشــواگي أكتبــك
مدري شــگد أحبــك
يســألوني
طبيعيه اليحب معذور لو بانت عليه خله
ومدري اشبيه لو ذكروك جدمي يتعثر ابظله
العشگ مابي كرامه اوياك حلوه ابابك الـذله
عشـگ هاي الخلق چـذاب بس بيك العشـگ يحله
"يبعد الوجعني منين ماچان
انه اول محترگ من غير دخان"
كلشي انطاني گلبـك
مدري شگد احبك
يسألوني
اخذني لعالمك مابين كل هلي وأحس غربه
ومثل لون النوارس صار لون العاشگ وگلبه
قريت سوالف العشاگ لگيت اهل العشگ چذبه
ولگيت المايحب طاريك محد يفتهم حبه
"الكلت وجهه وتعابيره التجاعيد
يوج وينطفي ابنار المواعيد"
واضيع ابغير دربه
مدري شگد احبك
يسألوني
مر نسمه هوى للمخنوگ من الدنيه وايامه
مر بيه اليحب يرتاح لو مـر خله بحلامه
مر بيه الدمع مرخوص للــينتچي اعـله اوهامه
اي والمـا غفن بجفاك ليل الهجر مانامه
"اخذني وسـولف اعله جـروحك وياي
واسـولفلك اجروحي ونطـلع ابراي "
ولو جـرحك يعذبك
مدري شگد احبك
يسألوني
اصوغ من الدمـع مكتـوب كلما اغازل عيوني
واسولفلك عليـه اشـلون كلما تسأل شلوني
لون العافية ابليـاك مايـعرف شكو بـلـوني
ويلوموني الخلق وارتـاح چـي بإسمك يلوموني
"يلوموني ولا مهتم للنگال
غار جروحها من طبع الجبال"
المهم خليني گُربك
مدري شگد احبك
يسألوني
هاك عيوني يالمحبوب كلما تعطش ارويها
وهيه عيوني ماتسواش لو ما تنترس بيها
ماترتاح حگه عليك لذتها يالذة بواچيها
لون بيدي بعد يحسـين حته سنيني ابديها
"اعله بابك عمري من يطشر ارتاح
واگولن عمري فدوه لخاطرك راح"
المهم يقبلني ربك
مدري شگد احبك
يسألوني
كلمات الشاعر"علي اكبر الغرابي"