المشاهدات: 10391   المدة: 7:47   الدقة: عالية
التصنيف: صوتيات دينية   الكلمات الدلالية: محمد الجنامي، Zahraa Al obaidi
تعليق بواسطة ❀ ♬ Ashk
من شفتك ما شفت الناس
مشاعر حب واحساس
تغازل بالانفاس .. غزل ماي وضوة
حبيتك موطن عشاك
حبيب وماكو فراگ
يشوگ المايشتاگ .. يجرحي والدوة
ضواي .. مناي .. هواي
يا اغلى من الهوة

…

يشجرة بصحراء وصيف
ترافة ورمشك سيف
اشوفك وكت ضماك
روجة ماي ترويني
يشوگي الما مألوف
يعني البيك تشوف
احبك حب ما صار
جمرة تجويني
ما تغيب .. يالوجهك يملي الدنيا شوگ ولهفة
ما تغيب .. يالحبك عالم اخر نجهل وصفة
ما تغيب .. بغيابك عمر الحب يواجه حتفه .. ياضي عيني
يا نور الماشافك ضاع
لقاء بلايه وداع
اشوفك فوگ الكاع .. واباوع للسمة
راسملك صوره عطشان
تدور عن انسان
يموت وبي وجدان
يبخ نار الضمة

هويت .. رجيت .. دعيت .. لون نعطش سوة

…

لونك ماموجود .. خيام بلا عامود
الحياة شلون تصير .. وحشة بير مكروها
اجيتك طير وطاح .. غريب بلاية جناح
لكيتك ديره شوگ .. والعشاگ سكنوها
وانت ذاك .. وانشوف الدنيا اندارت عالم راحت
وانت ذاك .. بالعالي وادم ضاعت وادم طاحت
وانت ذاك .. متسيد عرش الغيره وروحي الصاحت .. هذا حسيني

ما اريد الحب بلا نار .. واريده بلاية اسرار
واسولف ليل نهار .. جنون اهل العقل
لو ما اتعذب ميفيد .. محبتي جروح تريد
اريد النار تزيد .. واهيمن وانشغل

بجيت .. نعيت .. ضميت .. حبيبي ماروة

…

اللهك كلشي انطاك .. شتريد يگلك هاك
جميل بكلشي تصير .. بس مجروح احلالك
عجيبة والخدام .. بوجودك كلها اعلام
وحقك جنه زغار .. هسة اكبار بافضالك
والملوك .. مادامت حكمت فترة وانت الدايم
والملوك .. ماشافت هاي النعمة وتحسد خادم
والملوك .. تتراجع ما تتقدم وانت القادم .. ما ناسيني

خليت الخادم سلطان .. عزيز وما ينهان
جليل وعالي الشان .. اله جاه وبخت
يا هنياله اليوافي وياك .. يذكرك ما ينساك
تلزمة بجف يمناك .. وهية بكيفك صفت
امان .. ضمان .. حنان .. على هالمستوى


شعر: السيد عبدالخالق المحنه