عذراً يا وطن - ابو حسين الجياشي بواسطة الجياشي في 2013/6/14 (منذ 11 سنوات) تنزيل (627 KB) رابط قصيرg+ftاغلاق
المزيد من المقاطع بواسطة الجياشي
لو حجيت همومي وابديت الملامة
كَبل نؤمن لاكرامة بلا وطن
هســة نؤمن بالوطن ماكو كرامة
ادري صعبة عليك تسمع هلكلام
بس اريد اشجيلك هــموم اليتــامة
بيك ايتام التشكَ كَلب الضمير
وبيك ساسة بلا كَلب وبلا شهامة
بلا شهامة الساسة صارو لاضمير
يا ضمير وصادرو حلم الفقير
جِنة نحلم باجر يعــم الســـلام
كَـلنةَ شدة وتنجلي بجاه الامير
هسة صار الحلم جلسة برلمان
وصوتو كلهم عليه بما يصير
ما يصير الشعب يحلم بالرخاء
لو نوفر لة يريد الكهرباء
ما يصير بــيوم يرتاح اليتــيم
ولا يصير انزيل آثار الدماء
وصوتو كلهم علة موت الفقير
يا كرامة بهل الوطن يا كبرياء
كبريائك ياوطن بس كَلي وين
وانتة خيمة اضرحة وبيت انبياء
هاك خلي انطيك من عندي الجواب
كبريائك ياعراق..اندفنت اِوية الاولياء
ابوحسين الجياشي
13/7/2010