المشاهدات: 1755   المدة: 7:18   الدقة: عالية
التصنيف: صوتيات دينية   الكلمات الدلالية: مسلم الوائلي، Zahraa Al obaidi
تعليق بواسطة ❀ ♬ Ashk
شمل هواكم هله بعطر الهواشم
خضره البيارغ هلي وحلوه العمايم
مشتاگه اسلم على عيون الفواطم
گلبي لـكربله يريد تره الليله هايم

انه وعباتي گعدنه وبچينـه
راحن خواتي وجزتنه الضعينـه

الله وياك يابويه .....
__________________________

يابويه ألم اهدومي بلكي وياك اسافر
ماادري من غبشة الضعن يكسرلي خاطر
انشد على عالضعون اليجن وتگلي باچر
باچر وراكم ذبح وبعيني عاشر

باچر حبيبي الحوافر تطشــره
باچر ضحته تموت إعله صــدره

الله وياك يابويه .....
__________________________

طلعوا سوه الخياله والهودج اشراع
وحسين مطر خطواته وتسنبل الگاع
جبت الگطن حطيته يم شيبه حسين
شيباته ذيچ امبينه بس الگطن ضاع

شيباته طلعن لإن شايف الضيــم
بس ضيم ابوي ويضيع الشيب بالغيــم

الله وياك يابويه .....
__________________________

خيالة رحتوا يهلي بـ ظهور الأصايل
عباس گمرنه ورايـة فوگ امتونه شايل
طيبة وهواكم عندي ويمر عليه
مشتاگه وانتم يمي ليش اكتب رسايل

بسباگة الريح مشه حسين شحـلاته
مثل الصگر وجناحه رفت عبـاته

الله وياك يابويه .....
__________________________

شفت الگمر عالمهره عبالي حيدر
ضعن الهواشم توه من يمي تسدر
نتسابگ آنه وگلبي من راح الحسين
ما أدري ياهو البينه يشتاگك اكثر

لو آنه وي روحي نتغالب اسنين
ماتگدر اتحبك اكثر مني يحسين

الله وياك يابويه .....
__________________________

الكلمات لـ | محمـد و محمـود الموسـوي