المشاهدات: 2224   المدة: 22:18   الدقة: عالية
التصنيف: صوتيات دينية   الكلمات الدلالية: باسم الكربلائي
تعليق بواسطة ❀ ♬ Ashk
على نار امشـي .. لعيــون الغـالي
تركت كولشـي .. للشــاغل بـالي
والله يستــاهل .. بالموت متـفـائل
على نار امشـي

شريان العشگ وي كل نبض يكتب روايه
ماسمي وفه لوما جـزه خط النهايه
ماسمي عشگ لو ماعبر بحر المنايه
ممشاي ابثـقه ما التفت للضـل ورايه

وفـه .. صـدگ .. عشـگ .. وضحت صفاتي
نعـم .. أحـب .. مُحـب .. يسوه حياتي

انه من عــابس، أعرف مقيــاسي
وفه بي واهــس، رافع بي راســي

هيهاتْ ماجــامل .. بالموت متفــائل
____________________________

لوما كـربله ماتت ولا ضلت صحابه
ياحـُب الذي خله الكهل يرجع شبابه
ياحـُب الذي خله البشر يمزگ ثيابه
ياحـُب الجعل نار العطش مطرة سحابه

حـرب .. لچـن .. كـأن .. ليلة زفافه
يضـل ..علـي .. ولــي .. آخـر هتافه

على كلمتهـم، ضلوا شرايــه
على رايتهــم، كتبوا وفايــه

شُبـان والكاهــل .. بالموت متفــائل
____________________________

ماقارن شخص بيهم أبد لو بالعلامه
اصـحابي الذْي ابسوح الحرب زرعوا كرامه
واحد يركض ابوجه الرمح كله ابتسامه
واحد منذبح لكن بقت عينه لإمــامـه

دمـه .. جــرح .. ذبــح .. عنده السـلامه
منــو .. بعــد .. أحــد .. يـوصل مقــامه

تره جون أسود، وأبـيـض بأعــماله
وفيّ وتــخلد، نـاتـج أفـعــاله

ويعيـش ماقابــل .. بالموت متفــائل
____________________________

هالصحبه كنز والموقف ايحدد نصيبه
ماشايف رجل يضحك رغم هول المصيبه
ماشايف محب يركض على السهم اليـصيبـه
يتلـگه السـهم خاف السـهم يوصلّ حبيبه

درس .. فعــل .. لجــل .. حُـب الغوالي
وانــه .. شفــت .. صــرت .. عاشـگ مثـالي

على گد فعلي، مُـبدع بفنـوني
وانه من عقلي، كاشخ بجنـوني

مجنــون بس عــاقل .. بالموت متفــائل
____________________________

اصحاب الطمع والمصلحه داروا گفـاهم
واصحاب الصدگ فتحـوا صدر والموت اجـاهم
ماشــدو جرح بل بالعكس رشــو دماهم
وبآخر نفس ها يــخوتي تسمع نداهم

أنــس .. بشــر .. بــكر .. وإبن مُضـارب
سعــد .. علــي .. وهــب .. عاشگ مُحــارب

هلـه بالأسـلم، وإبـن السـلمـاني
كفو يا أدهــم، وابن الشيبــاني

ويـاي لتـحـاول .. بالموت متفــائل
____________________________

مهما انهضــم ومن الحزن يظلم صباحيمهما طبرت راسي وبدت تنزف جراحي
مهما بالغت حد ما اذل واكسر جناحي
ما اوصل ولا قطره ابحـر من الرياحي

أبــد .. فــلا .. ولا .. تـكفي دمـوعي
إذا .. ركــض .. تــرض .. خـيل بضـلوعي

فده لحسينــي، ولترابه اقــدامه
فده چفينــي، لحبال اخيــامه

لحسيــن والكــافل .. بالموت متفــائل
____________________________

شيفيد العمر من ينتهي بذلة ومهانه
شيفيد الگلب لو ماگدر ينزف حنانه
شيفيد الرجل لو يضعف وخان الأمانه
چف حقه البتر لو مابتر چف الخيانه

نعــم .. بقــت .. وفــتّ .. أهل المــواكب
تعــب .. سـهـر .. قهــر .. تهوه المتــاعب

تره كل موكب، ثوره إعله الظــالم
ولاشي مُتعب، ويانه القــائم

تـوضـيح للســائل .. بالموت متفــائل
____________________________

صحبتهم ذهب والمابقه وياهم تندم
ما لبسوا درع صاروا درع دون المخيم
كف ردنه زهير وذاكه ضاهر تحزم
عطشانه السيوف وعالوعد نرويها بالدم

زلــم .. وفــوا .. مشــوا .. يـم العقيـله
إذا .. جبــل .. وصــل .. يمــچ نـزيله

على مـوعدنه، من نــوعد نـوفي
مـنو يبــعدنه، بعيــونج شـوفي

خـيال والراجــل .. بالموت متفــائل
____________________________

كلمات الشـاعر السـيد: عبـدالخـالق المحنـة