مونتاج || عليمن جايني العيد || باسم الكربلائي 1439 بواسطة ❀ ♬ Ashk في 2018/6/12 (منذ 6 سنوات) تنزيل (18.4 MB) رابط قصيرg+ftاغلاق
المزيد من المقاطع بواسطة ❀ ♬ Ashk
منو يعوض مكانه .. يغطيني بحنانه
وابويه مسافر بعيد
رجاءاً كولو للعيد زينب واليتامه
يشوفونك اذا جيت مثل يوم القيامه
أذا مو والدي وياي على العيد السلامه
ضعت مابين الجروح وادورلي ابتسامه
شمعتي وشمعة البيت .. طفن وبحيره ضليت
العيد اشيلكه بيه .. سواد الهم عليه
جرح مايقبل يهيد
########
يبويه ومن يجي الليل تضل روحي اتمنه
تجيني وتكعد وياي واشوف الدنيه جنه
بدونك كل الوجوه ولا بيهه من اهلنه
وادور بالهوه الهاب ولانسمة محنه
غريبه ابعين الايام .. واعيش احساس الايتام
منو ايزور اليتيمه .. يعيد ابلايه خيمه
عليمن جاي شيريد
########
يافرحة التجي وياي وانا مضيعه الاماني
اشوفن بويه الهلال اذا طولك اجاني
حرت ما ادري دفنوك لودفنو زماني
ولا مشتاكه للعيد مشتاكتلك اني
ادورك بين العيون .. حلم ميت بالجفون
وحك شوكي ولهفتي .. جنت كلمة يبنتي
يبويه اسمعهه تجويد
#######
يدك بابي الفرح جاي واني شباقي عندي
شألبس واني الجروح تفصال اعله كدي
نشاز البسمه ياعيد والدمعه اعله خدي
يتيمه وجنحي مكسور احس الدنيه ضدي
اطير وجنح الأيام .. يذبني ابين السهام
اليتيمه ابعز فرحهه .. حمامه ابلاجنحهه
زمن مايرحم ايصيد
########
اذا الوادم يعيدون واريد اكتم عبرتي
واكابر واخفي الدموع واضم عنهم دمعتي
اثر لغيابك الناس يشوفونه ابوجنتي
بدونك صورة مرسومة ابصفنتي
ارسمك دمعة فراك .. واهيم ابنار الاشواك
يجي العيد اعله بابي .. يعزيني ابشبابي
غزت وجهي التجاعيد
##########
بقيت اتوسل الطيف يجيبك لحظة ليه
اكلك نار الفراك جمرهه اشسوه بيه
بعد كل هاي الهموم ورايه الغاضريه
مقسومتلي كل عيد دمعتي اتحني اديه
تجيني الفرحة شتشوف .. صرت اوف ابكتر اوف
الجرح من الطفوله .. نهاية عمري طوله
حزن ماينقص ايزيد
#########
ورايه ابكد الاحزان والهموم العشتهه
حيرة ابكربله هناكه ولاعمري شفتهه
اوادع ع النهر روح واموتن لوعفتهه
لاخويه مهرة الموت بديه قدمتهه
واقبله ابصدره واحتار .. اطفي ابدمعتي النار
واروحن بالنهايه .. انا وخدري سبايه
اسيره امجتفه الإيد
#########
كلمات الشاعر المبدع : احمد الذهبي
_________
تدوين؛ زهراء العبيدي