المشاهدات: 2959   المدة: 10:58   الدقة: عالية
التصنيف: صوتيات دينية   الكلمات الدلالية: فاقد الموسوي، Zahraa Al obaidi
تعليق بواسطة ❀ ♬ Ashk
يالرايحين لكربله "علي وياكم ياعلي"
زوار يامية هله " علي وياكم ياعلي "

هله بأهل الغيرة واهل المرجله
" علي وياكم ياعلي "
هله بگد ماحيدر امصيح هله
" علي وياكم ياعلي "
عدنه زوار الحسين مدللـه
" علي وياكم ياعلي "
اگلوبنه وياكم لمدخل كربله
" علي وياكم ياعلي "
من باب گنطرة السلام
" علي وياكم ياعلي "
ايصيحكم حتى الحمام
" علي وياكم ياعلي "

اهناك كلها وياكم ... حسين يتلگاكم

يالرايحين لكربله " علي وياكم ياعلي "
زوار يامية هله " علي وياكم ياعلي "

هله بيكم يالتعبكم راحة " علي وياكم ياعلي "
افياي جبرائيل سوه اجناحه " علي وياكم ياعلي "
راحة الخادم اتصير اصياحة " علي وياكم ياعلي "
علي وياكم ياعلي "
علي وياكم ياصگور الساحة " علي وياكم ياعلي "
من يصيحلنه الكفيل .. علي وياكم ياعلي
يگصر الدرب الطويل .. علي وياكم ياعلي

يالرايحين لكربله " علي وياكم ياعلي "
زوار يامية هله " علي وياكم ياعلي "

باچر الزهرة تجي اويه ام البنين
" علي وياكم ياعلي "
والحسن مشاي يطلع للحسين
" علي وياكم ياعلي "
والحنين ايسوي باچر للحنين
" علي وياكم ياعلي "
زفة للقاسم ابين الحرمين
" علي وياكم ياعلي "

ابيوم عرس القاسم .. يوگف لكل خادم

احزام من ام البنين " علي وياكم ياعلي "
هله بزوار الحنين " علي وياكم ياعلي "

يالرايحين لكربله " علي وياكم ياعلي "
زوار يامية هله " علي وياكم ياعلي "

حسين منة وبينة لتگول الغريب
" علي وياكم ياعلي "
طلعوا يازوار قالَ إبنَ شبيب
" علي وياكم ياعلي "
كون باچر ينترس دفتر حبيب
" علي وياكم ياعلي "
عدكم المهدي الشمس خلهه تغيب
" علي وياكم ياعلي "

من تجي المشاية .. راية تسبگ راية

موغريب حسين أمير " علي وياكم ياعلي "
حسين بس هوًّ الچبير " علي وياكم ياعلي "

يالرايحين لكربله " علي وياكم ياعلي "
زوار يامية هله " علي وياكم ياعلي "

علي يالصدگ وفاية " علي وياكم ياعلي "
الكون يصفن من ترف الراية " علي وياكم ياعلي "
نوح من سوه السفينة الغاية " علي وياكم ياعلي "
حتى بيها ايصعد المشاية " علي وياكم ياعلي "

وابوصالح باچر .. يجي وياكم زاير

وتصيح كل الانبياء " علي وياكم ياعلي "
نطلع سوبه لكربلاء " علي وياكم ياعلي "

يالرايحين لكربله " علي وياكم ياعلي "
زوار يامية هله " علي وياكم ياعلي "


باچر المهدي يجيب ابشاره " علي وياكم ياعلي "
حسين يطلع بيده ياخذ ثاره " علي وياكم ياعلي "
والمواكب كلها بيد انصاره " علي وياكم ياعلي "
وابوفاضل يمشي وي زواره " علي وياكم ياعلي "

مدري شنهي احساسنه .. انزور وي عباسنه

من يصيحلنه الكفيل " علي وياكم ياعلي "
يگصر الدرب الطويل " علي وياكم ياعلي "
____________________________

للشاعر / محمد المُوسـوي