المشاهدات: 512   المدة: 6:47   الدقة: عالية
التصنيف: صوتيات دينية   الكلمات الدلالية: علي الساعدي، Zahraa Al obaidi
تعليق بواسطة ❀ ♬ Ashk
١
ياهو الـيحلي العشگ غير الجــرح
جرحي آنا عَكس الخلگ يهوى الملــح
عاشگلي منحر بقه برگبــة رُمــح
من الـصُـبح يفتر الحدّ الصُبـح

بلاية وجع شنهي العشـگ
لهف العشگ من تحتـرگ
هو الـيحب كون بصـدگ
من دمعـه جفنـة ينفّتـگ

غـــرآم ..
يامحلى ذاكه الغرام البي دفـو
بس للحُسيــن العشگ لو مو حلـو
مرات اعاين واشوفنـه أبــو


حُسيــن ... حُسيــن .... حُسيــن

٢
ماي اعلى ريجي يمر مثل السهم
وارجف على اسمك مثل رجفة علم
نار ابدليلي مثل نار الخيـــم
وعيوني تنشد عليك وتبچي دم

ما ابطل ودمعي يصب
ابچيلك ابكسرة گلب
غيرك ولا اجرب وأحب
لغيرك الحُـب بي ذنب

حـــرآم ...
عشگي بدونك يهيبة كربله
وانا دمعتي عليك امسبله
ورموشي دوم ابسهرها امبلله


حُسيــن ... حُسيــن .... حُسيــن

٣
حُـبك خذاني وركض بيه دهر
تارسلي گلبي وعلى عيوني عُبـر
وبالي الك ياحَبيبـي شگد صور
جرح وعمامة وعطاشة ابصف نهر

بالدنيا مثلك ماشفت
وعلى ذباحك دمعت
حگـي عليك اتسودنت
يمضحي اليه اچم إخت

حنـــــآن ..
انا ابمچانك يريت اعلى الترب
تسحگ اعليه الخيول ابلا گلب
للحافر اضلوعي اسويهن درب

حُسيــن ... حُسيــن .... حُسيــن

٤
عهدًا يابن الزاكيات الرُكعِ
بـ عش الفواطم أطشر مدمعي
لخاطر ضلوعك ادگن اضُلعي
إنتَ حَبيبي وإمـامي ومرجـعي

خليني بس بيك التهي
ياخذني الك صوت النعي
وابچي عليك ابلا وعي
ياسيدي اويا شافعي

عَليــــك ....

خلي دموعي تصب وماتجف
يالنايم ابحر شمس ماينوصف
خدك تغيـــر لإن كلش ترف


حُسيــن ... حُسيــن .... حُسيــن



كـلمات: عقيل الحريشـاوي
كـتابةzhr