المشاهدات: 2825   المدة: 8:24   الدقة: عالية
التصنيف: صوتيات دينية   الكلمات الدلالية: عمار الكناني، Zahraa Al obaidi
تعليق بواسطة ❀ ♬ Ashk
جبنه الرايه ويانه .. يبوفاضل
تلگانه .. تلگانه
كلشي صاح النه هله .. واللقاء ابكربله
تلگانه .. تلگانه


ماتعبنه من مشينه
من مدينه انطب مدينه
ابوفاضل هله بينه .. ابلا چفوفه

واگف ابراس القياده
ياهله ابزواري ناده
الگاصد ايحصل مراده .. كون اشوفه

الجايب اوياه امنياته
للمشي واهب حياته
حته باچر ابمماته .. ما اعوفه

كل زاير يشع نوره .. وبگبره نجي نزوره .. نجي انزوره

والاجانه اندلله .. واللقاء ابكربله

تلگانه تلگانه
___________________________________

كل بشر حر ابقراره
كل سنه مره الزياره
الما اجه عمره خساره .. تعبه ضايع

هالوگت ما مر بـدينه
إلا للخدمه إجينه
واجب المشيه علينه .. ابهـالشوارع

كل سنه الموكب يلمنه
بالدرب ننصب خيمه
زايره اتحقق حلمنه .. بالمدامع

رفة راية بإيدينه .. والكافل يبارينه . . يبارينه

كل فرد جايب هله .. واللقاء ابكربله

تلگانه تلگانه
___________________________________


كل طريق أم المصايب
صار من سبع العجايب
نزرعه كلـه مواكب .. لليجينه

هالمواكب چن حراسه
عالدرب وگفت رئاسه
بيها نور من القداسه .. كلها زينه

خبزة الموكب رهيبه
بيها فد حالة غريبه
تشبع وتشفي عجيبه . مو بـإيدينه

والچاي اليصبونه .. بالجنه يحبونه .. يحبونه

بي عطر ريم الفله .. واللقاء ابكربله

تلكانه تلكانه
___________________________________


الحور والولدان بيها
تخدم الگاصد يجيها
والاواني البين اديها .. مال اهلنه

ميـه الموكب عوافي
هوه الحسين المشافي
مانمل وانگله كافي .. ماي جنه

دانيه اقطوف اعله ادينه
خير المخيم علينه
الارائك هيه لينه .. من المحنه

التفضل سمعناها . بالذر وحفظناها .. حفظناها

ضيفنه مانسأله .. واللقاء ابكربله

تلگانه تلگانه
___________________________________


يعني چم شيطان دسنه
بالمشي انروض نفسنه
الطافهم يا ما لمسنه .. من مشينه

معتقد صالح يلمنه
مو لگينه اعليه اهلنه
طالعينه وافتهمنه .. حق علينه

عاقل اليفهم مصيره
يمسح اذنوبه الچبيره
كربلاء اكبر عشيره .. اتعلمينه

الانساب القريناها .. للكافل نسبناها . . نسبناها

والفخر هالمنزله .. واللقاء ابكربله

تلگانه تلگانه
___________________________________

كلمات الشاعر علي عباس الربيعاوي

___________________________________

كتآبة Zahraa Al obaidi