قصيـدة [ كَربـلاء كَربـلاء , يرتفـع هـذا النِـداء ] - باسـم الكربـلائي - ليـالي مُحـرم , 1440 هــ - 2018 م بواسطة ❀ ♬ Ashk في 2019/1/15 (منذ 5 سنوات) تنزيل (7.3 MB) رابط قصيرg+ftاغلاق
المزيد من المقاطع بواسطة ❀ ♬ Ashk
كل جرح يلتأم بس جراحج ماتهيد
للأبد تجري دم ابكل سنة الحسرة تزيد
كربله والعجب بيج ماحل الوعيد
ظل ابن فاطمه نايم ابحر الصعيد
بالعراء بالعراء .. ظل ثلاثة بالعراء
كربلا كربلا .. يرتفع هذا النداء
كربله والعقل حقه يبقه منذهل
امصايبج بالفكر جنها نار وتشتعل
تربتج ماكفه بس رجال التنقتل
بالسهم منرمي ياوسف منحر طفل
.للسماء للسماء ... رمه دمه للسماء
كربلا كربلا .. يرتفع هذا النداء
كربله والكمر من طلع من خيمته
للعذب مو حرب راح يترس جربته
بس وسف هالعده بالظهر من غدرته
بترت يمنته واكطعتله يسرته
والواء والواء .. وانطبر راعي اللواء
كربلا كربلا .. يرتفع هذا النداء
ياوسف كربله من وكع حامي الخدر
جيش اجه وباللهب هالمخيم يستعر
مو عجب هالنسه بليل وحشه تنذعر
من بعد بوالفضل صارت ابيد الشمر
ادعياء ادعياء الحرم بيد الادعياء
كربلا كربلا .. يرتفع هذا النداء
حاشه ماتنخمد هالمأسي والانين
باقيه كربله وماتموتها السنين
نندعي ابكل عزاء واب يقين المؤمنين
يظهر المُنتظر ياخذ ابثار الحسين
هالعزاء هالعزاء المهدي صاحب هالعزاء
كربلا كربلا .. يرتفع هذا النداء
____________________________
كلمات الشاعر عبداللطيف خالدي