المشاهدات: 1990   المدة: 17:53   الدقة: عالية
التصنيف: صوتيات دينية   الكلمات الدلالية: باسم الكربلائي، Zahraa Al obaidi
تعليق بواسطة ❀ ♬ Ashk
لاني قادر أنساك
لاني ميت وياك
سهر ليل بالجفون
دمع نار بالعيون
لاني قادر أنساك
_________________________________

شنسه منك وانت اول عشك مسموح
وانه أول كلب عاشك بيك مجروح
الف واربعميه عام وهامت الروح
اشلون اذ شوفك حبيبي كبالي مذبوح
كلبي هذا يحسين ...يرفض يهوه مرتين
ولا عاش بالظنون ..دمع نار بالعيون

_________________________________
لاني قادر أنساك
لاني ميت وياك
سهر ليل بالجفون
دمع نار بالعيون
لاني قادر أنساك
_________________________________

نور ابوك ونور امك بيك يحسين
يعني جامع بيك ربك نور شمسين
انت يالكعبه وجودك من هالاثنين
كل صلاه يعني بضريحك عن صلاتين
أول وآخر إنسان. ..نحرك يقره قرآن
والملاك يشهدون ..دمع نار بالعيون

_________________________________
لاني قادر أنساك
لاني ميت وياك
سهر ليل بالجفون
دمع نار بالعيون
لاني قادر أنساك
_________________________________

انت سر جدك محمد بيك مكنون
يعني بعد اسم الجلاله إسمك يكون
عني مجنون بمحبتك خل يكولون
مادرو مكتمل عقله البيك مجنون
عمري بعده ساعات ...رتل حبك آيات
عشك خاص يعرفون ..دمع نار بالعيون
_________________________________
لاني قادر أنساك
لاني ميت وياك
سهر ليل بالجفون
دمع نار بالعيون
لاني قادر أنساك
_________________________________

اعطش وأنظر لوجهك جنك وياي
والخجل يأخذني منك واترك الماي
كون كد اسنيني كلهه زيارتك هاي
حتى كل ايام عمري اكضيه مشاي
عنهه نمشي زوار ...ربك حرم النار
ولايوم يخسرون ..دمع نار بالعيون
_________________________________
لاني قادر أنساك
لاني ميت وياك
سهر ليل بالجفون
دمع نار بالعيون
لاني قادر أنساك
_________________________________

شيعتك يوم اربعينك رفعت الرأس
تشرب من أيد الزجيه الماي بالكاس
ابد ماجن بالمواكب تأكل الناس
كلت من مائده مريم بأيد عباس
كولشي بيهه موجود ..خدمهه عنهه مشهود
سلاطين يخدمون ..دمع نار بالعيون
_________________________________
لاني قادر أنساك
لاني ميت وياك
سهر ليل بالجفون
دمع نار بالعيون
لاني قادر أنساك
_________________________________

زار عرش الله اليزورك هذا معلوم
وبختم نور النبوه وجهه مختوم
وبوسم يوم اربعينك دمه موسوم
وبأمر فاطم جهنم منهه مفطوم
فاطم تحضر وياه ..اسمه يمهه يلكاه
سجل بيه اليزورون ..دمع نار بالعيون
_________________________________
لاني قادر أنساك
لاني ميت وياك
سهر ليل بالجفون
دمع نار بالعيون
لاني قادر أنساك
_________________________________

من ازورك جن اذكرك بالجره وصار
ياخيم وثياب بالطف حركت النار
وياحبال بجف رقيه تركت آثار
واذكر دمع العليله بوحشه الدار
واذكر حرك الخيام ..وانظر دمع الأيتام
وأثر سوط بالمتون ..دمع نار بالعيون
_________________________________
لاني قادر أنساك
لاني ميت وياك
سهر ليل بالجفون
دمع نار بالعيون
لاني قادر أنساك
_________________________________
وي مهدي العصر باجر عينك تشوف
تأخذ بثار المناحر لاجلك سيوف
ثار صرخات السبايه بيوم الطفوف
وثار عبد الله الرضيع وثار الجفوف
نرجع نفتح كتاب ..مصدر حركه النار
منو جان يحركون ..دمع نار بالعيون
_________________________________
لاني قادر أنساك
لاني ميت وياك
سهر ليل بالجفون
دمع نار بالعيون
لاني قادر أنساك
________________________________

كلمات الشاعر ~~ ناظم الحاشي