المشاهدات: 272   المدة: 4:13   الدقة: عالية
التصنيف: أشعار وقصائد   الكلمات الدلالية: عادل السراي
تعليق بواسطة محمد الوحيلي ميديا
ما مقسوم اخلص عمري كله وياك
قسمة وياك كلش صعبة احس نلتم
☆☆☆☆☆
مو بيدي من اكلك روح حتى انساك
قدر مكتوب اشوف وياي ما ترهم
☆☆☆☆☆
اي مسموح اظل وياك ما مرتاح
وعل خد الدمع كل ليله يتحزم
☆☆☆☆☆
حنان وطيب رايد كلبي بس هموم
وانه البسمة التمر بشفافي تتيتم
☆☆☆☆☆
نسمة انته وشكلك روحي بس دخان
اخاف بريتي اخنك انه من اشتم
☆☆☆☆☆
ي جف الشمس روح وغيب وكت غروب
انه اشتاكيت اعاتب ليلي من يظلم
☆☆☆☆☆
وي شعر صباي روح وخلي بس الشيب
اعله راسي يصير تاج ويكعد ويلهم
☆☆☆☆☆
يبو جفوف الورد ما بيه بس عاكول
لا تكربلي اخاف الورد يتثلم
☆☆☆☆☆
سنابل روحي يبست من اجاني جفاك
وبسنون المناجل ناس ما ترحم
☆☆☆☆☆
خذت شمرة عل حظي ولا تكلي تهون
الجرفه اعله رشك الماي متعلم
☆☆☆☆☆
صدك متعوب من نظرات هاي الناس
لان شافوا عشكنه تراب مو من دم
☆☆☆☆☆
لا تطلع كمر يم نجم شابع غيم
خايف لا ضواك بغيمه يتلثم
☆☆☆☆☆
بينه احلام مبنيه ابياد الروج
وعل غفله وهد كل حلم ملتم
☆☆☆☆☆
وانسى الكله واهس من يجيك بشوك
مات وعيش سكته بكلشي لا تهتم
☆☆☆☆☆