المشاهدات: 3049   المدة: 9:02   الدقة: عالية
التصنيف: صوتيات دينية   الكلمات الدلالية: عمار الكناني، Zahraa Al obaidi
تعليق بواسطة ❀ ♬ Ashk
مشاية ..
حسين اعله بيبانه كتب .. مشاية
گواكم الله اعله التعب .. مشاية
شوفتكم اغله امن الذهب .. مشاية

انه گاصد نينوى
طاير ويه الهوى
جنوني سماي وعشگي الجناح

ياناري البگلب
للحضرة يمته اطب
لحد يگلي اگعد ارتاح

لو كل خطوه ابجرح
لو دربك بي ذبح
مادنگ الراسي إذا طاح

لو موت وانسحگ
واتگطع واحترگ
اهون ولاكلمة الما راح

مشاية ..
خنلاگي زينب والظعن .. مشاية
ونوصل سوه الباب االصحن .. مشاية
ونسر دليل ام الحسن .. مشاية

______________________

اصفن تسمع هله
من حسين ابكربله
والگمر رافع إلك چفين

لو زاير ماوصل
يسأل شنهي الحصل
شو ما اجانه افلان چا وين

والحسو بي ظمي
ايشربونه العلگمي
وينطونه إذا ما يرتوي العين

واجب مو مستحب
يزحف كل من تعب
من باب بيته الباب الحسين

مشاية ..
شيب وشباب اتوكلو .. مشاية
طلگوا دنياهم واجو .. مشاية
ابحبك يبو اليمه اهتدوا .. مشاية

____________________________

دلالي مطمئن
موجود ابن الحسن
ويانه جاي الكربله ايزور

بحسين اتجننت
خلاني اتيقنت
لأهل العشگ دين إسمه عاشور

املاك الباري اجو
والمـاتو والنسـو
مشايه طلعوا من الگبور

مابي حيرة الأمر
يحسين انته الحشر
يوم اربعينك نفخة الصور

مشاية ..
والله انعمي لو ماشفت .. مشاية
سألوني عالحب وگلت .. مشاية
تطلعله روحي لو متت .. مشاية

________________________________

ما اتعب لا أمل
لو فوگي ايصب نبل
اوصل ضريحك رافع الراس

امشيلك والشمس
تچويني ما احس
حاجبها عني ابچفه عباس

العشاگ اتحشدت
مدري امنين ابتدت
چن غيمه تمطر عالصحن ناس

بس ابنچ فاطمه
الگاصدها عالظمه
سيد يصير وچفه ينباس

مشاية ..
انواسي الترد من السبي .. مشاية
موعدنه تل الزينبي .. مشاية
ابموكب اوراعيه النبي .. مشاية

___________________________

الناس الحبتك
من بيتي الحضرتك
وسط الگلب فتحولي بيبان

شكرا يابوعلي
خليت الناس الي
تركض عليه امنين ماچان

هذا ايحس دمعتي
هذا ايحب جبهتي
وشالوني فوگ الروس سلطان

غير الي اتباشرو
يبن الزهره وخذو
للمرضه من رجليه تربان

مشاية ..
متعنيه روح العشگتك .. مشايه
گبل الجـدام اوصل الك .. مشاية
خليها تسعه ابحضرتك .. مشاية

__________________________________


كلمات الشاعر - علي عويز الشويلي

__________________________________

كتــآبةة الكلمات .. Zahraa Al obaidi