المشاهدات: 1779   المدة: 16:34   الدقة: عالية
التصنيف: صوتيات دينية   الكلمات الدلالية: باسم الكربلائي، Zahraa Al obaidi
تعليق بواسطة ❀ ♬ Ashk
معركه بين النبي . والناصبي . تبدي اعله بابي
يشترك بيها الضلع . عين ودمع . وابني وحجابي
آني أول رافضيه . باعيت حامي الحميه


معركه وبيها الصنم ماخذ قراره
وساعة الشدة تقل بيها الغياره
للعلم كلمة وإن چانت إشاره
يعني يـ بليس ابتدي ابأول شراره

آني اعرف واجبي . حق مذهبي . ونُصرة إمامي
والإلي والمو إلي . فدوه لعلي . آخر كلامي
فاطمه ابهاي الوصيه . بايعت حامي الحميه
______________________

عرفوا ابروحي نبي زادوا ونيني
شافوا ابعيني علي وسطرولي عيني
خافوا ابطف كربله تكثر بنيني
قرروا قتلي بعد قتلةّ جنيني

ما دروا عدنه ابظهر . حيدر قمر . بالطف يجيهم
چنه حيدر لو شطر . واعله النهر . يقلبها بيهم
أمه حره وفاطميه . بايعت حامي الحميه
______________________

كسروا ضلوعي لإن بيهن إمامه
واحترق بابي لإن باب اليتامه
طيحتي من الألم طيحة عمامه
والمُهم عندي علي يبقه ابسلامه

ماصحت من الألم . حتى القلم . يكتب قصيده
غصبن اعله الغاصبه . والناصبه . يحيا الصميده
مؤمنه وكل قطره بيه . بايعت حامي الحميه
______________________

ابهذا حالي وحذرت خلو ابنَ عمي
ناسيه همومي وبقه بس هوه همي
اني زهره وبس علي ايلوق اعله اسمي
لا فتى إلا علي تجري اويه دمي

لو ألف مره انعصر . ثمَ انسطر . ما أرضه بيكم
منصبه الأول علي . بأمر العلي . رغماً عليكم
روحي بالذر هاشميه . بايعت حامي الحميه
______________________

معركه وزينب تراقبها ابدرايه
طف مُلخص لكن ابلايه سبايه
يُمه يازينب تره هاي البدايه
هذي نار التحرق اخيامچ ورايه

يُمه يابت حيدره . مهما جره . خدرچ تسلب
حتى لو ماكو خيم . وبلا علم . بس إنتي زينب
دمعتچ وانتي سبيه . بايعت حامي الحميه
______________________

آني وانتي حيدره بالطف ننصره
والسطر وجهي تره ابصبرج نسطره
للحرب ابن امج اتقدميله مُهره
صيحي ياحيدر إذا قطعوله نحره

حاذري دمعج يهل . وامشي مثل . مشيّ الأميره
إنتي لليوم الصعب . ثاني حرب . حرب الأسيره
باليسر ونةْ رقيه . بايعت حامي الحميه
______________________

من بعد طه صفت دنيهّ عجايب
شفته ينقاد الأسد بيد الثعالب
والوصيه القيدت ليث الكتايب
آية القُربى يمزقوها النواصب

وانسطر وجهي وصحت . لمن طحت . يبني يمهدي
غيم وامطر زعل . و انتَ الأمل . وبـثاري تبدي
وانتَ روحك مهدويه . بايعت حامي الحميه
______________________

كلمات الشاعر - السيد عبد الخالق المحنــة

.