قصيدة [ من دمي هاي الليله حنوني ] - باسم الكربلائي - ليلة 8 محـرم 1441 هــ بواسطة Om Ahmed في 2019/9/15 (منذ 5 سنوات) تنزيل (9.2 MB) رابط قصيرg+ftاغلاق
المزيد من المقاطع بواسطة Om Ahmed
ويه الرماح اوياكم اخذوني
دنيا وبلاكم يهلي ما تسوه
رايد اموت بهالارض فدوه
مو حلوه زفتي هنانه مو حلوه
فوق الرماح ب دمعة زفوني
لمن دريت ب معركة عمي
غيرة ابويه فارت بدمي
ماهمي عرسي واني كل همي
يم الحسين تغمض عيوني
رايد ابوية الليلة يتباها
ومتروسة جثتي سهام يلقاها
هاي البغاها والتمناها
ايهوس عليها من يذبحوني
بعيوني هاي اللحظة مرسومه
من المهد بجفوني مضمونه
هالعرس حلمي وهالوصل يومة
خلوني احقق حلمي خلوني
راح اهجم اعليهم مثل جدي
وشحدة كلمن يوصل لحدي
واصرخ يسيفي بهالرقب ودي
لحسين بلكي ايطيب ظنوني
عمري اهدعش وبسيفي ما دارس
من ظهر ابوية من جنت فارس
خلاني ابوية اعله البخت حارس
من صغري امن سكنه بمتوني
محلاها لمن اهلي وناسي
يزفوني واني اعله الرمح راسي
ساعتها ما يتوصف احساسي
ملون الدنيا ومنخطف لوني
___________________
كلمات الشاعر : محمد البشير