المشاهدات: 2485   المدة: 8:39   الدقة: عالية
التصنيف: صوتيات دينية   الكلمات الدلالية: باسم الكربلائي
تعليق بواسطة عشاق العباس
صلواتٌ صلواتٌ صلواتٌ صلواتٌ
صلوات صلوات على مُحمد

من سروري كل شعوري
عالنبي ارفع صلاتي
سر وجودي وعز خلودي
مبدئي وسيرة حياتي
عندي غاية وللنهاية
بيها تتجسد صفاتي
مدحي يحلي الهادي واهله
عدتي الساعة مماتي

للممات .. للممات .. لا اتردد .. صلوات صلوات على مُحمد

❤

ابدي حُبي هذا كلبي
بالوفه انعجنت اطباعه
عطفه ينبض عطفه يرفض
ساعه للدنيه انصياعه
سامي كصدي وآنه عندي
للحشر اكبر بضاعه
بالقيامه للسلامه
فاطمه باب الشفاعه

والسبيل .. للجليل .. بضعةُ أحمد .. صلوات صلوات على مُحمد

❤

خصها الله اعليها صله
فاطمه كوكب سمائه
واجتباها من هُداها
ب طه سيد انبيائه
وبولاها وبرضاها
قارن الباري رضائه
وللي يسمع خلي يقنع
واصل اليله دُعائه

بيقين .. لا يلين .. أمرٌ مُسدد ..صلوات صلوات على مُحمد

❤

يالمُخلف مو عواطف
هذي صرخه من يقيني
عن عقيده بالصميده
ابيعته كملت ديني
لوتناشد عندي شاهد
عالفرق بينك وبيني
انته خاسر وآنه باجر
آخذ اكتابي ابيميني

ماتقول .. والبتول .. عليكَ تشهد .. صلوات صلوات على مُحمد

❤

جيت افيدك ما اريدك
عُمرك ودينك تخسره
لا يضرك لا يُغرك
وسوس الخناس صدره
معبر الحق منه تزلق
والله ماتكدر تعبره
يوم حشرك من يعبرك
يالتضد فاطمه الزهره

والجواب .. في العذاب .. تبقى مُخلد .. صلوات صلوات على مُحمد

❤

خل اخبرك وارد ابشرك
يابو الذنوب الثجيله
عدنه مطلب والله يرغب
نبتغي ليه الوسيله
بالزجيه صدق نيه
لربنه نتوسل الليله
وكل املنه ايلم شملنه
وابو اليمه نعتنيله

زاحفون .. قاصدون .. لخيرِ مقصد .. صلوات صلوات على مُحمد

❤

ماهي صعبه بالمحبه
نوصل الشي النريده
لودعينه شلنه ادينه
على الباري مو بعيده
كل موالي ابراس عالي
يكصد لكبر الصميده
وابو اليمه يصل يمه
يم كمر هاشم عضيده

والرجاء .. كربلاء .. لكُلِ مُبعد .. صلوات صلوات على مُحمد

❤

...