المشاهدات: 2199   المدة: 13:10   الدقة: عالية
التصنيف: صوتيات دينية   الكلمات الدلالية: فاقد الموسوي، كلمات محمد الموسوي
تعليق بواسطة ❀ ♬ Ashk
هايه نجمة لو گمر ** لو علي الأكبر عثر
لو نزف دم السمه ** لو حزن أمك كبر


ياضوه ولايه .. وفارس ورايه ... ياگمر عالي .. بكل مدينه

امك اشلونها .. اتشوف بعيونها .. وليدها الغالي .. ذابحينه

يابزر شيبي .. وياهوه اعذيبي .. راسك اگبالي .. رافعينه

ياربه اعيوني .. وطيحة امتوني .. تالي ماتالي .. كاتلينه

تالي ماتالي الربه
جثة ابني امسلبه

لو نزف دم السمه ** لو حزن أمك كبر
_______________________________


چانت اشفايفه .. تحلي كل سالفه .. دورة الحاجب .. والله حلوه


بسمه اعيونه .. وذبت امتونه .. ورفة الشارب .. كلها نخوه

للنبي اخدوده .. العمه بزنوده .. للحرب راهب .. زلمه يسوه

يانده اغصاني .. ويادفو احضاني .. حگي لو اعاتب .. ابني هوه

تدري لو راح الأبن ** عثرة الوالد حضن

لو نزف دم السمه ** لو حزن أمك كبر
_______________________________

يابعد ليلي .. ويا مراسيلي .. الما قره اعيونك .. ماقره الثار

بالحرب سيفك .. مايرد ضيفك .. واليلاگونك .. كلهم ازغار

چف رسول الله .. جاب حيل الله .. وحطه بمتونك .. علي الكرار

هيبة حسينك .. واگفه ابعينك .. واليشوفونك .. فهمو النار

بالعشگ لونك ترف
بالحرب والله كلف

لو نزف دم السمه ** لو حزن أمك كبر
_______________________________

ياسفينه نوح .. واگف ومذبوح .. ظلت احچايه .. هيه الإحساس

يا إمام الحيل .. تعبتها الخيل .. من شلت رايه .. كلها نوماس

بيك اشوف اثنين .. علي ولون حسين .. وعالمسنايه .. انته عباس

مايطيحونك .. مايذبحونك .. يبن الهوايه .. رفة الرايه

بالوجه شفتك نبـي
بالستر تنزف عبـي

لو نزف دم السمه ** لو حزن أمك كبر
_______________________________




كلمات الشاعر - السيد محمد الموسوي

_______________________________

كتابة Zahraa Al obaidi