المشاهدات: 3587   المدة: 8:26   الدقة: عالية
التصنيف: صوتيات دينية   الكلمات الدلالية: باسم الكربلائي، Zahraa Al obaidi
تعليق بواسطة ❀ ♬ Ashk
عالرمح يوليدي غافي
نايم ابنوم العوافي


ي طير الجنه لاجن عالرمح يختار عشه
صم ارماد آمالي وهوه فراكك يطشه
بدمع عيني اريدن ثغرك اليابس أرشه
لون بيدي اشلعت كلبي وحدر جسمك افرشه

يالمو طبعك تجافي
نايم ابنوم العوافي
__________________

كلبك يشتكي من الظمه سمالله اعله كلبك
على ذراع الايو اترفرف ايديك وتكضي نحبك
اشتطلب حرمه ها يالوبد واهوه اشيطلبك
حته ابسهم المثلث وسط نحرك يصوبك

وإنرمه أبسهمك شغافي
ع الرمح يوليدي غافي

___________________

مشيت ويالسبايه وراسك اكبالي المحه
شيال الرمح متعمد اكبالي يلوحه
راسك كوه ياعبدالله ثابت فوك رمحه
اخاف من الهوه لويعصف ايحركه ويطيحه

راسك ايطوف الفيافي
عالرمح يوليدي غافي
__________________

يمن طولك غصن ماخضر وراح من اديده
وانته ابضحكتك تارس جنت بيتي عليه
نايم مبتسم يبني وعسن نومه هنيه
راسك عالرماح وجسمك ابحضن الزجيه

كافي تمرد كلبي كافي
نايم ابنوم العوافي

__________________

اهز مهدك واصير اتخيلك نمت اعله طوله
انوح وخل تلوم اللايمه وتحجي العذوله
اكابر بيش اكابر ياورد مات ابذبوله
كلهن بيهن ام وفاجده وولهة وثكوله

ماتت الضحكه ابشفافي
نايم ابنوم العوافي

_______________________

بعدك ماصرت كمره ووسف ذبحو هلالك
يغافي اعله الرمح جنه الوضع يبني حلالك
يمر بيك الهوه والنسمه تخجل من دلالك
يلاعب شعرك وضايف جمال اعله جمالك

شعرك اتحركه السوافي
نايم ابنوم العوافي

___________________

​كلمات الشاعر ميرزا عادل اشكناني