المشاهدات: 2317   المدة: 14:46   الدقة: عالية
التصنيف: صوتيات دينية   الكلمات الدلالية: فاقد الموسوي، Zahraa Al obaidi
تعليق بواسطة ❀ ♬ Ashk
بويه بس لا باچر اتودعــوني
من اظلن وحدي اتموتــوني

من أمس وعيوني تدمع وانه أگول اشمالهـن
چنت من آلامـي أونن هسه موش ابحالهـن
من شفت لمـة خـواتي ولامات أكـوارهـن
وحده صاحت بـسم وحده وانه مو بلسانهـن

فوگ مرضي اروحيتي ايتعبونهـا
ليش اطلع اهدومي ويضمونهـا

حسين شو محد فگدني وگال لمي اهدومچ
من امس گلبي يسولف يمكن ايخلونچ
بويه بس لا باچر اتودعوني
من اظلن وحدي اتموتوني

البارحة أدعي الليل كـله اوعيني مامرها الوسـن
وابچـي حدر اغطاي سكته وتعبن اعيوني وغفـن
الخاطر أمك بويه خذني وخاطر عيوني الگضـن
الهوه ايطيحني من أگومن مو ثگيله اعله الضعـن

من أمس واترجه چلمة گومـي
گولها وخليني ألـم اهدومـي

حسين شو محد فگدني وگال لمي اهدومچ
من امس گلبي يسولف يمكن ايخلونچ
بويه بس لا باچر اتودعوني
من اظلن وحدي اتموتوني

بويه طفله بدار فرغت وحدي أظلـن ظلتيـش
تدري مرضي ايزود عگبك ولـو عگبك ما اعيـش
كلهن ايروحن خواتي وحـدي اظل مطلوبه بيـش
كل هوادكم انشدن هودچي إيظل يمي ليـش

بويه فرح گلبي وارحم حالتـي
وخل علي الأكبر ينوخ ناگتـي

حسين شو محد فگدني وگال لمي اهدومچ
من امس گلبي يسولف يمكن ايخلونچ
بويه بس لا باچر اتودعوني
من اظلن وحدي اتموتوني

الله أكبر من تگلي امشينه يـحسين اشيصيـر
مدري اركض مدري اطيحن مدري من الفرحه اطيـر
بويه ما عورت گلبك آخ يا گلبي الزغيـر
سهـل حسبالي الموادع ثـاري الموادع چبيـر

حتـه خياتي گضيت ادموعهـن
يمشن ومفتره ليه اعيونهـن

حسين شو محد فگدني وگال لمي اهدومچ
من امس گلبي يسولف يمكن ايخلونچ
بويه بس لا باچر اتودعوني
من اظلن وحدي اتموتوني

اتوكل اعله الله يـغالي وانه راح الـبيتي افـوت
انه اسولف وانته دمعه امخيم اعليها السكـوت
اشما تطول الگطعه بيكم بويه راح اگطع الصـوت
واحد من اخواني خلي عاد يدفني من امـوت

ارد أموت الموت يشفي اجـروحـي
هاي اول مره أكـره روحـي

حسين شو محد فگدني وگال لمي اهدومچ
من امس گلبي يسولف يمكن ايخلونچ
بويه بس لا باچر اتودعوني
من اظلن وحدي اتموتوني

لا بنيه اوياي ظلت ليلي وحشه اخلافهـن
باچر اول يوم فارغ من خواتي فراشـهـن
باچر أول يوم انامن وحدي مو بينـاتهـن
من امس يبچن عليه وشاهدت دمعـاتـهن

كون اموتن أحسـن من افراگهـن
فـارغ اويحرگ ابگلبـي افراشهـن

حسين شو محد فگدني وگال لمي اهدومچ
من امس گلبي يسولف يمكن ايخلونچ
بويه بس لا باچر اتودعوني
من اظلن وحدي اتموتوني
____________________

كلمات الشاعر : أحمـد المشـرفاوي