المشاهدات: 5932   المدة: 8:32   الدقة: عالية
التصنيف: صوتيات دينية   الكلمات الدلالية: Hussein Hameed
تعليق بواسطة Hussein Hameed
١ ماله وصف مشينه ، كربله تحدي بينه
والگلب إعله ناره
كلشي تركنا كلشي ، الله رزقنا نمشي
للنحر وسماره
ماله عشگنا غاية ، كلمن أخذله راية
واعتنى للزياره

كربله كربله ، شوگ وضمه وسفر
كربله كربله ، مشايه للنحر
أذنت نينوى ، صلينا بالدرب
والعشگ ياعشگ ، فوگ الشمس عبر

للحب رسم دربنا اجمل مراسم
حبنا اعله الفطرة صاير مو حب مواسم
ماكو أحلى منه دربك ينگط مواقف
خادم إذا يـطيـح ايـتچيله خادم

"هلا بزلام الحسين ، هلا بالمشايه"
______________________________

٢
خدمته عدنه واجب ، ياهلا بالمواكب
ياهلا بالمجالس
ماكو تعب يجيها ، زواره من مشيها
صفنتّ النوارس
كلمن إجه بـهيامه ، والله زلم نـشامه
صله عليها عابس

بالدرب بالدرب ، زلم الوفه انچفو
بالدرب بالدرب ، شالو علم واجو
ياهلا بالزلم ، الما تعرف التعب
الأرض والسما ، تنهز إذا مشو

موج الحزن يسطر اعظم مصيبه
تمشي الوطن عِشگها الناس الغريبه
بالدنيا الله خالق سبعة عجايب
مشاية أربعينــك ثامن عجيبه

"هلا بزلام الحسين ، هلا بالمشايه"
______________________________

٣
انچوت الضماير ، أذنت المناير
كبرت الجوامع
مشو لابو رقية ، كلهم أهل حمية
وانملت الشوارع
خدمة ولا مثلها ، والنعم منّ أهلها
گصدو إله ابمدامع

معجزة معجزة ، كلهم وفة وشيم
معجزة معجزة ، من شالو العلم
للعشگ من مشو ، ضك بيهم الهوه
حيرت كربله ، اعزوبية الخدم

اعزوبية ماكو منها ولا منها صاير
اشگد عنده حظ يناس اليخدمله زاير
حاتم يسد مضيفه ويبـنـيله موكب
لو شايف الزيارة ايضل بيها حاير

"هلا بزلام الحسين ، هلا بالمشايه"
______________________________

٤
فاطمة حزمتهم ، لحظة ولا نستهم
فيها كسر عليهم
تمشي گلبها ضامي ، وسجلت الأسامي
وكيفت لمشيهم
جنة تلم شملهم ، الله خلقها إلـهُم
كلشي جعل بديهم

فاطمة فاطمة ، من شافت الجمع
فاطمة فاطمة ، من سلم الضلع
هوست بالعلم ، وانشگت السمه
وصيحت ياهلا ، ابـشراية الدمع

أم الحسن خدمها اليمشي الگمرها
اتدلل اليزوره وتنطي عمرها
هنيال زاير الله اتعزي الزچية
مايمشي لاهله خالي كلمن يمرها

"هلا بزلام الحسين ، هلا بالمشايه"
______________________________

كلمات / محمد الزيدي