المشاهدات: 1485   المدة: 15:51   الدقة: عالية
التصنيف: صوتيات دينية   الكلمات الدلالية: مرتضى حرب، Zahraa Al obaidi
تعليق بواسطة ❀ ♬ Ashk
"هل محرم وانه لابس .. اسـودي الراگد
جدمي يندل المجالس .. واحداً واحد "

مغمض واروحن للعزه تطوي الدرب رجليه
الشوف گالوا بالگلب وصلّ العمـّل عالنيه
بس حاجة عندي امعطله كل ما گـلت مگضيه
ابمحـرم اختـّم دنيـتي واتمنى بحسينيه

ليله ليله حزني حاسب مجلسك باچر
بـيمن ابدي ابيا مصايب سيدي حاضر

خدي دون الدمعه شاحب بيها متـواعد
جدمي يندل المجالس واحداً واحد
____________________________

أسود بعدني ملبسي وبأسود گمت بدلته
من العام شايلي علم لمحرمك حضرته
كل عام أگـولن هالسنه محبوبي أشد فاتحته
يحسين من عيني انچفوا ماضل محب بس انته

اخجل ابحبك اشـارك بالعشگ غيرك
ربنا للـحَـبك يبارك ممتلي ابـخيرك

اشهدُ أنني تارك غيرك وقاصد
جدمي يندل المجالس واحداً واحد
____________________________

گلبين ماعنده البشر ونفرض ملكت الثاني
هم مثل الاول ينترس حُـب وألـم ويعاني
يحسين گايلها المثل الطير اعله صنفه ايداني
ولهذا قست امحبّـتك وتخيرت صحباني

هيچي قانـوني امن اصاحب بس اليحـبّك
مجلسك يعتبره واجب سولته يندبك

حاضر ومامره غايب عهد متعاهد
جدمي يندل المجالس واحداً واحد
____________________________

ماناسي حتى اذكرك يحسين ابد ماناسي
عندي مواسم بالحزن شاهدها شيبة راسي
من يمك وغادي اختلف بس بيك اميز ناسي
انفاسي لو شهگت حزن لو ضيگه احس انفاسي

قصة احـزاني مواسم بيها بالمُجمـّل
جرحك السـوانه وادم بالجـروح أول

اليعتقد ننـساك واهـم بالنبض گاعد
جدمي يندل المجالس واحداً واحد
____________________________

لعاشورك الجاي استعد والبعده اذا اضل عايش
منذوره عيني الدمعتك جفني لمصابك فارش
الناس تغبش عالرزق وانه اعله حزنك غابش
لوما عزائك سيدي طير انه اضل ابلا عش

طير مابين العواصف منكسر جنحه
ابحزني ابچيلك عواطف واشعر ابفرحه

سيدي من الجاي خايف لو رجع ما رد
جدمي يندل المجالس واحداً واحد
____________________________

كلمات الشاعر: مازن الشـطري