المشاهدات: 13970   المدة: 20:04   الدقة: عالية
التصنيف: صوتيات دينية   الكلمات الدلالية: باسم الكربلائي، Zahraa Al obaidi
تعليق بواسطة ❀ ♬ Ashk
يامصحف مأساتي * اقراك ابـآهاتي
شفنك آية همي
بأبي انت وأمي
يحسين وكل سورة * تعكس للطف صورة
صحت ابـدمعي ودمي
بأبي انت وأمي
بأبي انت وأمي


ربنه ابمصحفه المنزل
قصة مصرعك انزل
قسمها اعله آيات وسور تروي الرزيه
كلما افتح المصحف
انظر مشهد من الطف
من الجلده للجلده أشوف الغاضريه
أقريت (الفاتحة) ابنوحي
يالفاتح جرح روحي
لجل الـ (قل هوَ) جسمك هوه فوگ الوطيه

إعليك (الطور) اتفسر * وبدمعاته استفسر
هذا (الطارق) مرمي * لو سورة و (النجمِ)
(ياسين) ابهل وادي * بإسمك گام إينادي

يا قرآني المدمي

بأبي انت وامي ... بأبي أنت وامي
__________________________

يـ (المتزمل) ابدمك
يـ (المدثر) ابعزمك
رغم (النازعات) اللي اسلبوا منك ردائك
من اقره ابـ (قصص) صبرك
اتذكر غصص صدرك
من اقره (النساء) اذكر على الهزل نسائك
راحن بالسبي اويـالگوم
چنهن من سبايه (الروم)
ابنيران (الشمس) والعسكر ايفرهد خبائك

چم طفله ابـ هالـهيمه * فرت من الخيمه
وتنادي ياهضمي * تچوي النار ابجدمي
بـ (الدخان) اتذكر * حرگ اخيام الخدر

اتناديك أطفي اخيمي

بأبي انت وامي ... بأبي أنت وامي
___________________________

يـمبچي (القلم) و (النون)
و (الجن) گاموا ايونون
ادموعي (المرسلات) ابهالرزيه امن أحچي بيها
احچي ابسورة (الشورى)
لوخليها مستوره
و (الممتحنة) لو لا (الشورى) ما ذبحوا بـنيـها
متجمعه (الزمر) ضدك
وإنته اعله الترب خدك
عشرة (العاديات) وجثتك سحگوا عليها

چـن زينب گدامك * تسمع طگ اعظامك
اتصيح ابدمع اليهمي * فدوه العظمك عظمي
خويه ابعيني وشفتك * الخيل اتگـلب جثتك

داسـوا سـوري المحمي

بأبي انت وامي ... بأبي أنت وامي
__________________________

من اقره (القمر) انحب
اتذكر گمر زينب
وأذكر حملته عالمشرعه من اقره (القيامه)
يوم (الواقعة) وحلت
ابسيفه (القارعة) ونزلت
سوه (الزلزلة) ابطف كربله من شد لثامه
ناره الـ بالحرب وجهه
يوم اللي (عبس) وجهه
وحصانه (الرعد) وإعليه لكد شاهر حسامه

ضهضب سيفه ودمدم * غيمه وتمطر بالدم
صاح انه المتسمي * راعي الغيره النشمي
وتلفت لعضيده * گله امن الزم صيده

اذبح وأنته اتسمي

بأبي انت وامي ... بأبي أنت وامي
__________________________

سورة (طه) تتكرر
من صورة علي الأكبر
الـ (نور) اللي ابـ (محمد) كله مجموع ابـ أصوله
وشما ما اقره بـ (السجده)
أذكر سجدتك عنده
جاعل خدك ابخده وتمددت إعله طوله
سهامه (الجاثية) ابصدره
أسيوفه (الغاشية) ابنحره
عن باقي الشرح عاجر ولا اگدر اگوله

حجي (الشعراء) اگـصر * من أن يرثي الأكبـر
ناداك احضر يمي * واجمع بيدك جسمي
فگـد ابنك يوم الطف * ما ممكن يتوصف

لاچن أقبـل نـظمي

بأبي انت وامي ... بأبي أنت وامي
__________________________

(الكوثر) و (النبأ) يبچون
لإبن (التين) و (الزيتون)
معوذ بـ (الفلق) نجل الحسن للحومه ينزف
چانت (مائدة) عرسه
سيفه ولامته وترسه
اعليه (الكافرون) (اتكاثروا) صـف يتبع (الصف)
ثوب العرسه مافصل
اعليه (الذاريات) اجمل
جاسم (فصلت) اچـفانه وابـ دمه (تزخرف)

و (الفجرِ) الـ بعيونه * و (الليل) اعله امتونه
يـسطع نوره ويعمي * و إعليه إنهد عزمي
من طاح اعله الغبـره * والطبره اعله الطبره

صاح ادركني يعمي

بأبي انت وامي ... بأبي أنت وامي
__________________________

(هود) و (يونس) ابحسره
(نوح) و (يوسف) ابعبره
باقي (الأنبياء) اتهل دمعها ابهالفجيعه
وابحزنه النبي (ابراهيم)
حگـه ابـهـالـبراري ايهيم
ماشايف ابو ذبحوا على صدره رضيعه
طفلك يكسر الخاطر
سهمه المُهجتك فاطر
ابنبلة حرمله وليدك تروه من نجيعه

من سهم اللـي ابجيـده * گـام ايـفرفح بـيـده
ناداك اشلع سهمي * غارگ بالدم نجمي
مذبوح ابچـفينك * يحسين الله ايعينك

يـمسبب كل غمي

بأبي انت وامي ... بأبي أنت وامي
__________________________

كلمات الشاعر المبـدع ميـرزا عـادل أشـكناني

__________________________

كــتابةة`~ Zahraa Al obaidi / زهراء العبيدي