المشاهدات: 1388   المدة: 4:14   الدقة: عالية
التصنيف: صوتيات دينية   الكلمات الدلالية: احمد الساعدي
تعليق بواسطة NOOR‌
ياموت واحنه بلا عمر شتسوي بينه الكَاع
ياحلم رجلك بـ الكَبر وك شيبت شبساع
من شكَد كَلت لاترحل
بس الغيابك تندل
يسحكَ ع عيوني البجي
كل ضنه ابد ماتقبل
وحكَ موعات امك يوم فركَاك
وشدهت والدك بمرادم الضيم
الضلن والمشن مابيهن انساك
تدري الذكريات عيونهن غيم
يم كَبرك انطيني شبر خليني اسمعه شكال
يل نايم بكتر الصدر سولفله أنا بيا حال
ياوجه ناسك بلحرب هاياعنيد الراس
يمطيح اخيام الكلب يبرالك العباس
تشرك الجيله بدمك
ياليل جلده يضمك
زلمه يتمنالك الفشك
بريحة علي يفوح اسمك
ترى الطلك الدنيا يعيش مرتاح
يمشي ع الهوى ومايوكَع الطير
الوكَع مو بلحصاد يريد ينداس
ولبضلع السنابل يحصد الخير
ياجرح يبرالك سهم ومجتفلها اجتاف
جن عايش بديرة وجع وبيه الحزن ينشاف
ياصاحب مرايتي
ياواهس عيوني
تقنع اندلك كبر يمسودن ضنوني
شجم جيه وجهك بطه
وليلي ع حلمك سطه
ياوحشة احجايتي وغيرك يسمعوني
هز كاع النجف
خل يعدل المات
جن طلبت زلم خشنة الحجابات
اخوي الطاح يكعد هسه اريده
جن القاذفه مسوايه لـ ايده
صاير ماترد خويه سلامات
للحرب احنه مو حطب بس دفوا للايتام
الخلصهن بطك وتعب مايحسب الايام
ياوطن سالم عمرك
دم الشهيد ينصرك
مورمل لاكبرك ترب يشبكك علي ويحضرك
يلشارب الغيرة من ايد عباس
عليك مهدله اعلام التوابيت
شعنده الموت يم راسك ينوماس
يخويه رد عليه انا رديت
سدينه بيبان الشمع عطر الورد جذاب
عود البخور بلاحركَ فوكَ الكَبر عطاب
يابوووويه