المشاهدات: 5411   المدة: 12:15   الدقة: عالية
التصنيف: صوتيات دينية   الكلمات الدلالية: باسم الكربلائي، Zahraa Al obaidi
تعليق بواسطة ❀ ♬ Ashk
يابن أمي عالتربان عفتك رميه.... عيني العمه ولاشوف ذيچ المسيه

يـاخـويـه خـلـيـنـاك عـالغبره عاري....... بالغاضريه
مـغـسـل بـفـيـض دماك والچفن ذاري.......بالغاضريه
روحـي بگت ويـاك والـجـدم سـاري......بـالـغاضريه
أمـشـي وديـر الـعـيـن لـلـغاضريه...... ياضوه عيوني

أدري بـسـهـم مـسـمـوم چبدك تگطع..... وانطر دليلي
وصـوابـه مگبـل صـاب والـمگفه مطلع......وانطر دليلي
بـذاك الـسـهـم يـحـسـيـن گلبي تگطع... وانطر دليلي
سـمـه بـضـمـيـر حـشاي ناره سريه..... ياضوه عيوني

يـابـن أمـي أدري الـخيل هشمت صدرك..... وإنهدم حيلي
وبـيـدي عـلـى الـتربان وسدت نحرك..... وإنهدم حيلي
يـحـسـيـن أنـه بـمـمشاي حيرني أمرك.... وانهدم حيلي
لا_جـن فـراگك صـار غـصـبـن عليّه.... يا ضوه عيوني

غـصـبـا عـلـيّـه يحسين عالغبره عفتك..... وانگطع بينه
والـحـجـر لـو مـاچان يـفضخ جبهتك..... وانگطع بينه
مـاچانـت مـن الـسـوط تـتلوع إختك..... وانگطع بينه
نـوب انـطـي مـتني ونوب اشگف بديه...... ياضوه عيوني

بـحـالـة غـصـب يحسين عنك مشينه........ ونصفچ بدينه
يـبـن أمـي مـنـهـوبـيـن ومگيدينه..... ونصفچ بدينه
تـجـدد عـهـد ويـاك رادت سـكـينه..... ونصفچ بدينه
مـانـعـهـا ضـرب الـسوط من آل أميه..... ياضوه عيوني

والـمـاعـلـيـهـا الـعـين يغمض جفنها..... والله شمصيبه
والـنـايـبـات بـنـار روحـي سـلنها...... والله شمصيبه
يـبـن أمـي طـبـة الـشام ما اشد منها...... والله شمصيبه
وافـتـنـي گبـل الـشـام ريـت الـمنيه..... ياضوه عيوني
---------------
الكلمات للشاعر المرحــوم كـاظـم مـنـظـور الـكـربـلائـي