يحجولي عنك | مرتضى حرب | محـرم 1441 هـ - 2019 بواسطة ❀ ♬ Ashk في 2019/9/10 (منذ 5 سنوات) تنزيل (15.3 MB) رابط قصيرg+ftاغلاق
المزيد من المقاطع بواسطة ❀ ♬ Ashk
يا اباالفضل ماطحت ذاك انته شايل ماي
ومن عاينت للشمس طال النهار اهواي
ذاك انته واگف مبتسم
بعينه العمه الما شافك
شايل على متونك نهر
ومفطرات إشفافك
كل حاله تحدث بالأرض
مرصدها تحت اشرافك
لو إنته طايح ياگمر
محد يشوف اخلافك
مايكبر اسم العطش
لوما چبير الجود
ومحد يعرف النهر
لوما چنت موجود
" شفتك مسافة وعد وتأخرت مولاي "
_____________________________
شافوك بس جود وعلم
بس آنه اشوفك ديره
ديره بكبر عمر الحچي
بيها الطفوف ازغيره
مخلوق من غيرة علي
مو طين من الغيره
الناس كشختها ذنب
وانته إكشخ بتكبيره
يالكاشخ ابخوتك
اجبر كسر هابيل
عالشط سمعت البچي
وصفعة وجه قابيل
" يالما بعت خوتك صار الوفه شراي "
_____________________________
سبعين الف فقدوا بصر
بس إنته عندك شوفك
وچفوف أميه اتگطعت
وانته ابسلامه اچفوفك
مانحچي عن طاري الكرم
وانته السهام اضيوفك
يمطرز الخوه ابــزند
من يوصل المعروفك
يالمستحي من الخيم
چا من اخوك اشلون
ما عنده لون الخجل
وبگصتك بي لون
" كلك اشوفك صعب طولك يسد عيناي "
_____________________________
بالدنيا ماعندك أهم
من الخدر وحسينك
والسهم مو صدفه إجه
شاف العقيله ابعينك
يالما الك يسره أبد
هنه الثنين إيمينك
بالحومه تسمع بس إجه
وبالخيم تسمع وينك
كل الغيارى ابجسم
وانته عليهم راس
والدنيا راحت وإجت
وانته تظل عباس
" مات النهر والعطش وانته تظل رواي "
_____________________________
يكفيني خصمك يعترف
محد ثبت جدامك
روس الچبيره الـ بالحرب
ساحگها تحت اجدامك
لو توصل التالي الأرض
إيدك تلوح اخيامك
ولو مااكو براسك علي
محد يصوب هامك
سب ونزل من جبل
وبسورة البركان
والخيل اخذها الهوه
وركبت على الفرسان
" والما يحرگه النفس يتراكض ابلا راي"
_____________________________
چان العطش ظالم نفس
ومن هاجمك ذليته
انته اصفعت وجه النهر
يوم العذب ذبيته
من سدوا إعليك الدرب
انته الهوه سديته
ملئ الأرض جيش العده
وبجودك اتخطيته
راسك يدگ بالسمه
تتواضع وتنشاف
حد خصرك وينتهي
مايعله طير الصاف
" عالي ومنو ايفيي الك وانته كسرت افياي "
_____________________________
كلمات الشاعر : السيد عبدالخالق المحنة