المشاهدات: 6284   المدة: 10:47   الدقة: عالية
التصنيف: صوتيات دينية   الكلمات الدلالية: باسم الكربلائي
تعليق بواسطة هيلــه
يختلف لونه هلالك يا شهر محرم قصائد حسينيه

يختلف لونه هلالك يا شهر
ما نشاهد غير حسرات وقهر
~~~~
انظر اوداع ومدامع بالسمه
وانظر اغيوم الحزن تمطر دمه
جم ضلع تكسر بعد من فاطمه
غير ضلع الي وره الباب انكسر
~~~~~~
أه ياشهر الابد المالك مثل
البيك شاهدت السهم يذبح طفل
بيك اشوفن نار وخيام وجتل
تدري بمصابك يفت حتى الحجر
~~~~~
بيك اشاهد جود وزنود وعلم
على الشريعه وعين مصيوبه بسهم
وأنظر حسين انحنه من الألم
منكسر ظهره ويصيح على النهر
~~~~~~
بيك اشوف حسين نايم على الثره
والشمر كاعد يحز بمنحره
والمصيبه اشلون كطعوا خنصره
ليش مو كافي الضمه وكطع النهر
~~~~~~~
أه يمحرم سبب كل لوعتي
وأنظر لزينب تنادي يخوتي
اشلون عفتوني بغربتي
هذا حالي والكفل تدري اعتذر
~~~~~~
من يهل اهلالك لزينب احن
والطم على الراس واتحسر وون
ابجي وانعه والبس اهدوم الحزن
يا هلال ابزينب اشسوه الدهر
~~~~~~
يا شهر يالبيك زينب تنسبي
لا عقيل وياهه ولا طالبي
تلوعت بهلالك اعيال النبي
والله من طاريك دلالي انفطر

~~~~~~
الشاعر .السيد عبد الخالق المحنه