المشاهدات: 899   المدة: 26:12   الدقة: عالية
التصنيف: صوتيات دينية
تعليق بواسطة tahseen alswad
مو خواتي . باچر اعله النوگ يمشن ذكرياتي
مو خواتي . يرحن الآيات القراها ابصلاتي

البارحه ايناغني كلهن . صبحت ماظال منهن

يروحي

✿✿✿✿✿✿✿✿✿

اركض ومديت اديني . الهـودج رقيه
بس لگيته اهواي عـالي . وگصـار اديه

وفرفحت روحي مثل طير الذبيح
اوصل لچفها وعلى الگـاع اطيح
ولو طحت تبچي وعمت عيني تصيح

بالبواچي . ردي گالتلي بعد وانسي انتلاگه
ديري بالچ . لاتسحگچ خويه وتموتچ الناگه

فارگت هاي الضعينه . الحنينه ويه الحنينه

يروحي

✿✿✿✿✿✿✿✿✿

شوفه عبدالله يبويه . مـدالـي إيده
اخذوني وإعليه انتاون . آنه وحميده

صدگ يابويه أبشـرك مادريت
آنه حته اشلون اگمطه اتعلميت
آنه صح ازغيره بس راعية بيت

چي عذرهن . ماروح آنه لإن طفله زغيره
ثوب سكنه . البست خاطر يشوفوني چبيره

ابتسمن ومسحلي دمعي . وراحن وگاللي رجعي

يروحي

✿✿✿✿✿✿✿✿✿

والدي لميمونه شفته . امـدنگ جـزاني
گلت اصير اگبال عينه . يمـكن نسـاني

گتله بويه الهودج ايتعب الزغير
وانته عالميمون بـحظينك اصير
گام يبي وعينه لزينب تدير

صاح زينب . ونحب من زينب خذتني
العليله . ابسوالفها الحنينه موتتني

اذراعه خلاها اعله عينه . وبچه وكل إحنه بچينه

يروحي

✿✿✿✿✿✿✿✿✿

الو غبت چانن يسألن . وين الحبيبه
راحن وخلني اعاين . مثل الغريبه

وياچن اخذني صحت يالماشيات
اصعب افراگ وعلي افراگ الخوات
الله حط بيچن محنــة أمهـات

گمت انادي . خويه أروح الچن سبع فدوات إرجعن
حته گلبي . طلع من اضلوعي اشوفه ويركض إلچن

اعيوني من نوحي وراهن . دمعي أحس بي شلعاهن

يروحي

✿✿✿✿✿✿✿✿✿

چنت تالي الليل أگومن . افگد خواتي
ابهاي اغطي الذيچ الولي . وچنهن بناتي

راحن وصحت ابگفاهن خويه غاد
اليبات ابكربله افـراشـه الرمـاد
والوساده لو رمح لوسيف حاد

وحلفتهن . بالـچن بالعاشر تلبسن تراچي
يشلعوهن . من الأذانات ويشبعوچن بواچي

الحرمله انطنهن بــديچن . گبل لايزمخ عليچن

يروحي


✿✿✿✿✿✿✿✿✿✿✿✿✿✿✿✿✿✿

كلمات الشاعر : علي عويز الشويلي