وتتعثر خِطانا بدرب ما بيه ضواك
ونصيح باسمك لو يمر بينه الوهم
چا ليش تترك هالگلب عايش جِفاك ؟
وإنتَ الوحيد اللي تظل بـروحي شَهم
ردّ الملامح للصور مَتّعني بيك
ما بيا حيل بغيبتك أجرع نَدم
لي
وتتعثر خِطانا بدرب ما بيه ضواك
ونصيح باسمك لو يمر بينه الوهم
چا ليش تترك هالگلب عايش جِفاك ؟
وإنتَ الوحيد اللي تظل بـروحي شَهم
ردّ الملامح للصور مَتّعني بيك
ما بيا حيل بغيبتك أجرع نَدم
لي
أمِس ما مَريت بّية
راح أتانيّك أعلىٰ باچِر
أخَاف باچّر ما تِجيني ؟
عُگبة مَنصوبة الچّوادر
وتلگة چفيني ابجفنها
وامسّـحة ابدمع المحاجر
وتبچي صدفة اعلى الرسايل
وتگول چان اهواية صابر
هذا ليلك مرّ سچتة
وانتَ لسة ابالي غايب
موت مـا خله الـمـلامـح
ولا تِـرك لـلـروح خـاطـر
چا تعال وشوف حالي
البيت بعدك ماله ناظر
صارت أيامي خريفك
والعمر بجفاك مسافر
وين تشري الموت روحي ؟
حتى أخلص من هالدفاتر
تنعى جدران البيوت
وتندفن وياي صوَرنا
وتبقى بس غصة جفاك
تكسر بكلبي الخواطر
وراح أشيلن للمگابر
وينتهي الدرب وتِسافر !
لي
تعال ومر حلم حتى لو جاثوم
أعرفك ما وراك احلام وردية.
أنِتَظرتك وَ أنتظر وَ عِيوني وكِت
المُوت انطيهن لواحِد ينتُظر بعَدي .
صرت مثلك مو حنين وبعد متردني الأغاني
صدكني ما يمَشن علي
ومبينة چانت غايتك!
تريد تمشي ومستحي
وعينك مچلبه بساعتك
ما راح اكض ايدك وعد
ولا راح ادفعك وابتسم
واشمُر وراك حجارتك .
يُمر طيفك يناغيني
ويردني ردود و أدري
الطيف ما ينجاس
اگود السهر بـ عيوني
وترد الـ ليش بيه تعيّل
و اتمناني دون أحساس
هِوَت رُوحي وهَوت بَس
ما هَوتها الناس
حچي عَيوني سهَل بس چيب
اليفَهمه .
وينك يا وَطن روحي
يشمس العافية المَتغيب
وينك يا جرح عمري
يـ جَرحي الما اريده يطيب
مثلك وطن وين الگه
رد مع اقتباس