تعال اكرب حبيبي (مالي غيرك)
ابوذيات عراقية جديدة ، ابوذيات عراقية 2015 ، احلى ابوذيات عراقية ، ابوذيات حب
غيابك شرب من روحي واكل عام
وبعدني اهواك كالعاده وكل عام
يغالي سنه حلوه وكل عام
تكون بخير وايامك سعـــــيده ؟؟==============وحك الخمسة التغطو بالعباه
لعبني وطشن سنيني بالعباه
مثل التركض امفرعه بلا عباه
اركض من يمر ذكراك بيييه *_^
=================الك معزوفه من تضحك والك حس *
والك ذوق شكثر مرهف والك حس *
احبك والله يمعود والك حس *
لان حسك يرد الروح اليه *================تدري الروح ابد ماعافت..هواها
تظل محبوبي وبس انت ..هواها
حك السخر الريح ..وهواها
تظل غالــــي وعزيز أنت علـــــــيه
================طير انه بمحبتك مالي بس تك
وعلى بوسه بعتني اشمالي بستك
نطيتك عين صوچي مالبستك
لان كلش صغير انت عليه
....................
وانا أدري بجمالك (مالي غيرك)
مال تروح مني (مال اغيرك)
سولفهه اعله روحك مو عليه
سفن حبك بشواطي الروح *شرعا*
وسهم حبك نبت بحشاي *شرعا*
وردت مذهب يحلل البوسات *شرعا*
وأذا ماكو …. اردن للجاهليه
له الكون يامدرك @يامهلك@
وكالو كون اليحبك @يمهلك@
آنه تمنيت بيت اهلي @يم اهلك@
وكلبي وكلبك يصيرن سويه
احبك من صغر عودي $وسني$
ومن حبك سقط شعري $وسني$
وعلى حالي بجه شيعي $وسني$
وثالثهم مسيحي يون عليه
شلون تخون وانته حلفت %بايات%
مزلاكه طلعت مو درج %بايات%
تريد تروح مو بس باي %بايات%
واليرجع الف نعله على ابيه
ريد اغفى على ذراعك وانامن
كضينه الحب تمن انت وانامن
وحك عيناك نسيت اسمي وانامن
تهت ارجوك دليني عليه
غرامك بالكلب حافر وناقش
يلصرت نيران تحركني وناقش
اريد اكعد وياك ولك بس احجي وناقش
واكلك لشوكت تقسى عليه
صديجي الجان رايدني واريده
رخص دمه وكطع لأجلي وريده
صديجي الجنت أحبه وريده
شماله شوكطع وصله عليه
أنا بيدي وتد بالكاع دكيت
ولادكة نذل بالناس دكيت
بعدني وماطح بالكاع وانت طبول علي دكيت
ولك شد وصله وبعد إركص عليه
حبابي وأعزمن صحتي صحتهم
جفوني ولاضمائرهم صحتهم
بيدي أشرت وبلساني صحتهم
شافوني وسمعو ومحد فزع لي
صدى حبك بقلبي انتة وانته
وترى كلبي ونينة انتة ونته
احب خمسة بحياتي انتة ونته
وحضرتك وانتة نته وهاي هية
ألح عالكلب مايقبل ملاحه
على البالكون مايوجد ملاحه
همش عالعنب جفي ملاحه
كلت حامض عنب غصبن علية
هاك خيوط روحي هاك أبرهة
ولو صاير بحرها هاك أبرهة
ألك حصرة بدليلي هاك أبرهة
علي ثكلت مثل ثكلك علية
سهام عينك بكلبي حيل شرعآ
وسفن حبك بخليج الروح شرعآ
ردت مذهب يحلل بوستك شرعآ
واذا ماكو اردن للجاهلية
ذبت وبنار حبك مايع اني
وتركت كلبي يعاني مايعاني
لون تعطش رويتك ماي عيني
واحط الروح لعيونك هدية
احبك اكثر من الكون ونسه
وعندي الموت اذا يرضيك وانسه
ما افارك ابد ذكراك يوم وانسه
واقدم روحي لعيونك هدية
سكر عسل كل منظاك نفسك
واكوغيرك حلو بس ماكونفسك
تمنيتك حبيبي تبوس نفسك
بس بداخلك تنويهة لية
عليك الليل صدك انه آوانه
ومعاك العتب هسة آن آوانه
تهدد بالنفاهة آنه وآنه
وبالشدة تكول انة شعلية
رد مع اقتباس
