اخضر بالرعيد وبالك تصيح
جمه وعايش حياتي بغير سباح

نزر ماعلموني ع المراجيح
ولاغرني الضحج بدموع تمساح

صكر ماطير من تعله الزرازير
فشل وي الزغار من اصفك جناح

صخر بر شتمض بيه المسامير
جلد مامطي ملزام من الاصفاح

الصفت نيته بضهر تموز
بالصيف بفي الابره هم ينام مرتاح

اليحط اباله باجر خايف يطيح
هذا اعتبره مال ومن امس طاح

مرات الجريب عليك ياذيك
الزرع باخر ايامه يذبحه فلاح

فشگ لاتگربني ع التنانير
وراها تلوم بيه وتصفگ الراح

الصبر ثوب الستر لو كامت تضيج
واتاني الريع حتى الزمله مرواح

حضيض من احسب حساب لمخاسير
واعزله و اليضل بالحاصل ارباح

مرات الخساره بدون حسبان
خسارة حامل من الذبته طراح

شكثر راكض على عيون النبابير
التعب مثل الوشم ماضنه ينزاح

حذر للدنيا حاسب ميت حساب
مرات بمهمه الذيل مفتاح

ابن فرناس طار وعايف الذيل
وگع للگاع جا مافاده الاجناح

الخشب مايشتكي من المناشير
شريف وصاير ثياب ع الاسلاح

مََهو اليتفگد وجوه المساير
لو عايز تتن لو راد مسباح

أحمد الصلابي