سوالف عراقية

ملاك العشك

يا ملاك العشگ يا طير الأمير
ويا ضوا عيوني اليجلي كل ظلم
الگلب يمچ صبح طفلن صغير
وما يفارگ ضحكتچ حتى بحلم
​ثقي وحق الـصورج بدرٍ منير
وزيّن عيونچ بكحل وقلم
…

ابوذيات غزلية للشاعر عمرالحربي
_______________________
جرحني الرمش من عندك وسلّه
وحبّك بالكلب ضامم وسلّه
عليك الدمع جم يوسف وسلّه
لأن حسنك نبي ويوحي إليه
_____________________
عفت كل البشر لأجلك وناساي
وصرت أنت هلي وأهلي وناساي
أضيعن لو رحت مني وناساي
لأن وجهك هوى الله يمر عليه
______________________
شخصك بالكلب مطبوع رسمه
وكل عاشگ إله بالكون رسمه
حبيبي من يمر ع الناس رسمه
يوزع عافية لليمرون بيه
__________________
جبال الصدر تحرس كلب ينحب
وعليك الدمع من فرگاك ينحب
اليذوك الشفه وسط النهد ينحب
يعيش بوسط جنة السرمدية
___________________
حبيبي النهد ما ينلاح تنحل
وعلى فرگاك احس الروح تنحل
حسنك حرس دونه جيوش تنحل
…

ومضات للشاعرعمرالحربي

چنت آنه اويه غيرك كلي اجروح
أجيتك راد گلبي يطيب يمك
شو زودت فوگ جروحي جروح
وصرت انته المصيبة الماتفض منك
_________
سألوني وتهت من رادوا يسألون
ياهو الخان عهدك والوعد عفته؟
جاوبت بصراحة وچنت افكر بيك
نسيت جروحي كلها وصحت انته!
_______
تچيت ظهري الك حسبالي حيط اصير
وما حسبت تغدر تنكر العشرة
​ردت منك وفه يبرد لهيب الروح
شفت غدرك جمر زاد الجرح جمرة
_______
تِعَب جفني بسهرهم ما غفت عين
وسِهم غدر الوجع بالگلب شاع
بعد ما ظل صَبِر والحيَل مهدوم
سفينة بلا حبيب وتيهت شراع
______
رخصت كلمة أحبك والعهود
وصرت تمشي ويا الأبد ما شاكلك
روح لليختار وجهك مو گفاك
…

الوفاء

أثاري أهل الوفا بهالوكت عملة شوگ
وينذم الوفي.. والصاحب الخوان!
ولا تمشي ورا الما يوفي بالچلمات
اليبيعك بالرخص ما يملك الوجدان
خاوي الصاحب اللي وكف وياك
مو ذاك الـيضم راسه من يصير محان
…

يا اول حبيب

عشگتك والعمر ذبلان مثل الشال
يا أول حبيب بروحي يتجسم
أذوبن بيك والمحّبس عليك يلوگ
وإذا شفتك گبالي أنسى كلمة "هم"
​شلت حبك نهر يجري بوسط الروح
يا بلسم عذاب وعالكسر يلتم
…

باجر بتابوت تالي الليل أنام
باجر بتابوت تالي الليل أنام
وتنسد عيوني بعد ما شوفكم
رايح لدار القبر دار السلام
وأعذروني اليوم راح أعوفكم

أهـل الـغـدر والـكـذب كـل يـوم إلـهـم وجـه
ويـلـي ضـحـك ع الـوفـا وبـالـمـظـلـمـة وجـه
لله أشـكـي الـهـضـم هـو الـكـريـم الـوجـه
​ميـضـيـع حـق الـتـعـب لـو طـال بـيـنـه الـمـدى
والـمـا عـرف قـيـمـتـي عـمـره خـسـارة ومـدى
سـيـف الـعـدالـة الـهـي بيوم الحشر مـدى
​وهـنـاك يـم الـجـلـيـل نـتـواجـه وجـه بـوجـه

(زهيري للشاعر عمر الحربي)
أهل المروة ونعم من نسلهم ساسة
تاريخهم بالفخر رب العرش ساسة
والمرجلة والطيب ليهم غدت ساسة
بأرض الشهامة نموا ما بيهم الخايب
والمعتني لدارهم لا ما رجع خايب
ظلم الليالي عكب فزعتهم الخايب
وهمة هلي بالكرم تكريت هم ساسة

خيبة بخت

ألوذ من البخت والبخت عاثر بيك
وأمشي بيا درب جدمي عثر سحگه
​أزرع بالوفا وأحصد جروح وآهات
وتِربات التعب تاليها بالفرگه
​أريدن بس فرح يطرق قيود الباب
يجيني الهم جمر وبحسرتي يحرگه
…

وانه مو طبعي العتب

وانه مو طبعي العتب
عالماحلاله يصون عهدي
يامناحة وحشتي
وليل الكضيته دموع وحدي
ويارخص ذاك الجدم
كون ع ياهو الجان يبدي
…