رواية القس المجنون من احلى و امتع الرويات الي قريتها بحياتي
حرفياََ الرواية هاي مختلفه بشكل جذري عن اي نوع روايات موجود بالعالم
المؤلف شخص صيني اسمه غو زين رين أو غو شن رين
والرواية هاي اسم النوع مالها مختلف
مو شي اعتيادي
مثلاً روايات دوستويفسكي روايات ادبية من الأدب الروسي
كذلك كافكا و باقي المؤلفين
اكو روايات تكون فانتازيا
يعني تصنيفها فانتازيا و من اسمها شي له علاقة بالخيال و التشويق و بيها بناء عالم عملاق و خيالي و ممتع اكو روايات تكون نفسيه مثل روايات
ما انكول اجنبيه
انكول عربيه مثل روايات نجيب محفوض اللص و الكلاب و الى اخرهِ (هاي مذكورة ب أدب السادس الاعدادي )
اكو روايات ما اعرف شنو يسموها
بس هي سياسيه الها علاقه بالسياسه
مثلاً رواية 1984 و مزرعة الحيوان و ما الى ذلك
المهم
مقصد كلامي انتَ ب عمرك سامع رواية اسمها
شيانشيا ؟ او رواية زراعة ؟
اي هذا هو نوع رواية القس المجنون
ب طبيعة الحال ب كل رواية
يكون البطل باحث عن الخير و تكون له اخلاق ساميه و عاليه
يكون اقوى من الاعداء عادتاً
بي صفات تميزه عن البقيه

بينما رواية القس المجنون
البطل بيها هو الشرير
البطل هو الشرير ؟؟
اي
و هو شخص باحث عن الخلود
و هذا الخلود ما يتم الا بقتل و سفك الدماء
و هنا يجي صاحبنا البطل الشرير اسمه فانغ يوان
يرتكب ابشع الجرائم بحق اي شخص قتله يوصله للخلود
حتى النساء و الأطفال و اي كائن

صحيح نسيت اكتب
نظام القوة ب هاي الروايه هو كائنات حية
تسمى ال غو
و هاي ال غو الها مستويات
موجوده بالطبيعه و لكن ما يصقلها الا الشخص الي عنده بحر بدائي
و مو كل شخص عنده بحر بدائي
بس اشخاص نسميهم اسياد ال غو
و اسياد ال غو هم على مستويات
و الغو هم مستويات
و كل غو له شغل خاص او قدره خاصه
مثلاً غو ضوء القمر
قدرته هي ارسال انصال
و هذا غو فاني
يعني ممكن يموت
بينما اكو غو ب مستوى اعلى
الي هي الغو الخالده
و يستغرق صقلها مئة سنه و فوك مثل غو سيكادا ربيع الخريف او نسمي زيز ربيع الخريف
فانغ يوان جان يصقل ب هذا الغو و ها صحيح
يتطلب صقل الغو موارد و كميتها حسب مستوى الغو
فالموارد الي جان يحتاجها فانغ حته يصقل هذا الغو جانت موارد عظيمة
ف جان يحتاج يجلد اي شي يحتاجه ب سبيل صقل هذا الغو
كدر فانغ يوان ان يصقل هذا الغو
لكن مثل ما تعرفون اكو اشخاص غير فانغ هم اسياد غو
ف قاتلوا فانغ يوان
صحيح عمر فانغ حتى الان 500 سنه و هو نص انسان و نص شيطان
و اغلب هذول الاشخاص الي قاتلوا فانغ يوان
جان فانغ يوان جالد عائلاتهم
ف شلون يستردون الثار ؟
اي ياخذون ال غو سيكادا ربيع الخريف و يقتلون فانغ
صارت معركة جبيره
و فانغ تعب لأن اسياد ال غو كلهم ضده
ف اضطر ان يستخدم غو سيكادا ربيع الخريف
ف رجع 500 سنه للماضي
يعني رجع و عمره 16 سنه
و لكن تدرون وين الحبكه ؟

الحبكه انه رجع ب جسد 16 سنه ب خبرة 500 سنه
ف صار يعرف كل شي راح يصير ب حياته و شنو راح يواجه اعداء و شنو الاخطاء الي راح يرتكبها

احلى شي يميز الرواية
انه الاعداء مو مثل بقية الروايات يموت ب قوة الصداقه لو ما اعرف شنو
لا لا لا
ب هاي الرواية الاعداء محنكييييييييييين
و ماكرين و مفكرين و مو بالسهولة تجلدهم
و اضعف عدوا ب هاي الرواية
يجلد جلد و يتعب فانغ يلا يخلص و هم اكوا اعداء فانغ ما يكدرلهم ابد
المهم الرواية حوالي ال 2343 فصل
و شكراً